Post News Media ព័ត៌មានជាតិ ដំរីជើង៤គង់មា...

ដំរីជើង៤គង់មានភ្លាត់! ជាងឡើងដូរអំពូល ត្រូវខ្សែភ្លើងឆក់រងរបួសធ្ងន់!

ចែកចាយបន្ត

កណ្ដាល: បុរសម្នាក់ជាជាងសំណងឡើងដូរអំពូលខូច ត្រូវខ្សែភ្លើងឆក់ធ្លាក់ពីលើជណ្ដើរបោកក្បាលទីនឹងដីបណ្ដាលឲ្យរងរបួសធ្ងន់។

ហេតុការណ៍នេះបានកើតឡើងនៅវេលាម៉ោង៧និង៥នាទីយប់ ថ្ងៃទី២០ ខែមិថុនា ឆ្នាំ២០១៧ ត្រង់ចំណុចផ្ទះឈ្មោះ នូវ នឿន ជាប់ផ្លូវ១១៥ ភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល។

ប្រភពព័ត៌មានបានឲ្យដឹងថា ជនរងគ្រោះឈ្មោះ នូ នាង ភេទប្រុស អាយុ៣៧ឆ្នាំ មុខរបរជាងសំណង់។

ប្រភពដដែលបានបន្តថា មុនពេលកើតហេតុ វេលាម៉ោងប្រហែល៧យប់ ជនរងគ្រោះបានដាក់ជណ្តើរឡើងដូរអំពូលភ្លើង ដែលបានដាច់ចំនួនបីថ្ងៃមកហើយ ពេលកំពុងដោះដូរអំពូល ស្រាប់តែឆក់ធ្លាក់ពីលើជណ្តើរ បោកក្បាលទៅនឹងដីបណ្តាលឲ្យហូរឈាមតាមត្រចៀកសន្លប់មិនដឹងខ្លួន។

បច្ចុប្បន្នជនរងគ្រោះត្រូវបានក្រុមគ្រួសារដឹកទៅព្យាបាលនៅមន្ទីពេទ្យជ័យជំនះរួចបន្តដឹកទៅសង្គ្រោះបន្ទាន់នៅមន្ទីរពេទ្យកាល់ម៉ែត្រ៕