Post News Media ព័ត៌មានជាតិ រន្ធត់! គោយន្...

រន្ធត់! គោយន្តដឹកពាងបើកកិនក្មេងស្រីម្នាក់ស្លាប់ នៅពោធិ៍សាត់

ចែកចាយបន្ត

ពោធិ៍សាត់: លោកអធិការស្រុកភ្នំក្រវាញ បានប្រាប់ Post News មានករណីគ្រោះថ្នាក់ចរាចរណ៍គោយន្តដឹកពាងកិនក្មេងស្រីម្នាក់ស្លាប់។

ហេតុការណ៍ដ៏រន្ធត់នេះបានកើតឡើងនៅវេលាម៉ោង៣ និង១០នាទីរសៀល ថ្ងៃទី២១ ខែមិថុនា ឆ្នាំ២០១៧ នៅចំណុចមុខផ្ទះឈ្មោះ ជា ផាត ស្ថិតក្នុងភូមិបត់រំដួល ឃុំអូរតាប៉ោង ស្រុកបាកាន ខេត្តពោធិ៍សាត់។

ជនរងគ្រោះឈ្មោះ ផាត់ ភ័ណ្ឌ ភេទស្រី អាយុ១០ឆ្នាំ ស្នាក់នៅភូមិឃុំកើតហេតុខាងលើ។ ចំណែកម្ចាស់គោយន្តឈ្មោះ ង៉ែត ជា ភេទប្រុស អាយុ២២ឆ្នាំ ស្នាក់នៅភូមិបត់គគី ឃុំអូរតាប៉ោង ស្រុកបាកាន។

ក្រោយពីកើតហេតុ សមត្ថកិច្ចបានចុះទៅដល់កន្លែងហេតុ ធ្វើការវាស់វែង និងកំណត់ហេតុ នឹងនាំយកចំពោះវត្ថុតាង និង ម្ចាស់គោយន្ត បញ្ចូនមកអធិការដ្ឋាននគរបាលស្រុក រង់ចាំការដោះស្រាយគ្នាពេលក្រោយ។ ចំណែកសាកសពក្មេងស្រី ត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

ចែកចាយបន្ត