Post News Media ព័ត៌មានជាតិ ប្រទះឃើញសាកសព...

ប្រទះឃើញសាកសពបុរសម្នាក់ដេកស្លាប់នៅក្នុងព្រៃ បង្កការភ្ញាក់ផ្អើល!

ចែកចាយបន្ត

កំពង់ស្ពឺ: លោកអធិការស្រុកភ្នំស្រួចបានប្រាប់Post Newsថា មានករណីប្រទះឃើញសាកសពបុរសម្នាក់ដេកស្លាប់នៅក្នុងព្រៃ។

ហាតុការណ៍នេះបានកើតឡើងនៅវេលាម៉ោង៧និង៥០នាទីព្រឹក ថ្ងៃទី២៣ ខែមិថុនា ឆ្នាំ២០១៧ ត្រង់ចំណុចក្នុងព្រៃភ្នំទ្វា (ពីខាងលិចភូមិ) ឃុំគីរីវន្ត ស្រុកភ្នំស្រួច ខេត្តកំពង់ស្ពឺ។

ប្រភពព័ត៌មានបានឲ្៧ដឹងថា មានប្រជាពលរដ្ឋម្នាក់ឈ្មោះ ឃីម វុទ្ធី ភេទប្រុស អាយុ៤១ឆ្នាំ មានទីលំនៅភូមិក្រាំងស្យា ឃុំ គីរីវន្តស្រុកភ្នំស្រួច បានទៅចំការរបស់ខ្លួនស្ថិតពីខាងលិចភូមិចម្ងាយ ១៥០០ម៉ែត្រ បានប្រទះឃើញសាកសពបុរសម្នាក់មិនស្គាល់អត្តសញ្ញាណដេកស្លាប់នៅក្នុងកើតហេតុខាងលើ។ សាកសពមានភិនភាគសម្បុរខ្មៅ រាងស្គម សក់ស្លូតវែងមានស្កូវ កំពស់១.៦០ម៉ែត្រ ពាក់អាវដៃវែង ពណ៌ក្រហម ស្លៀកខោជើងវែងពណ៌ប្រផេះ ពាក់ស្បែកជើងផ្ទាត់។

តាមការចុះស្រាវជ្រាវ និងពិនិត្យសាកសពរបស់ជំនាញពិនិត្យវិភាគនៃអធិការដ្ឋាននគរបាល សាកសពខាងលើគឺស្លាប់ដោយសារខ្យលគរ ហើយសាកសពនេះជាជនវិកលចរិត ប្រជាពលរដ្ឋបានប្រទះឃើញដើរចុះឡើងកាត់ភូមិរយ:ពេលជិតមួយខែហើយ។ សាកសពពុំមានពាក់ព័ន្ធបទល្មើសព្រហ្មទណ្ឌឡើយ។

ក្រោយពេលពិនិត្យចប់សាកសពត្រូវបានជូនអាជ្ញាធរភូមិ ឃុំ បញ្ចុះនៅទីនោះដើម្បីរងចាំការស្រាវជ្រាវរកសាច់ញ្ញាតិទទួលធ្វើបុណ្យតាមប្រពៃណី៕