Post News Media ព័ត៌មានជាតិ រន្ធត់! បុរសម...

រន្ធត់! បុរសម្នាក់ត្រូវរថយន្តបុកស្លាប់ភ្លាមៗនៅនឹងកន្លែងកើតហេតុ

ចែកចាយបន្ត

កណ្ដាល: គ្រោះថ្នាក់ចររាចរណ៍មួយរវាងរថយន្តនិងអ្នកថ្មើរជើងបណ្ដាលឲ្យបុរសម្នាក់ស្លាប់ភ្លាមៗនៅនឹងកន្លែងកើតហេតុ។

ហេតុការណ៍នេះបានកើតឡើងនៅវេលាម៉ោង៩និង២០នាទីយប់ ថ្ងៃទី២៣ ខែមិថុនា ឆ្នាំ២០១៧ ត្រង់ចំណុចមុខភូមិព្រៃក្រឡាញ់ ឃុំលំហាច ស្រុកអង្គស្នួល ខេត្តកណ្ដាល ផ្លូវជាតិលេខ៤ ចន្លោះគីឡូម៉ែត្រលេខ២៩.៣០។

ប្រភពព័ត៌ាមានបានឲ្យដឹងថា ជនរងគ្រោះមានឈ្មោះ ព្រាប ដា ភេទប្រុស អាយុ៣២ឆ្នាំ ជនជាតិខ្មែរ ស្នាក់នៅភូមិ ត្រពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ មុខរបរ រត់ម៉ូតូឌុប។

ប្រភពដដែលបានបន្តថា នៅមុនពេលកើតហេតុខាងលើ មានរថយន្ត១គ្រឿងម៉ាកហ៊ីយ៉ាន់ដាយ ពណ៌ស (ប្រភេទកុងតឺន័រ សណ្ដោងរ៉ឺម៉ក) ពាក់ស្លាកលេខ ភ្នំពេញ 3A.2398 អ្នកបើកបរ មិនស្គាល់អត្តសញ្ញាណ (រត់គេចខ្លួនបាត់) បានបើកពីទិសខាងកើតទៅលិច (ភ្នំពេញទៅកំពង់សោម)លុះដល់ចំណុចកើតហេតុខាងលើរថយន្តបានបុកកិនអ្នកថ្មើរជើងម្នាក់ដែលដើរ ឆ្លងថ្នល់ពីជើងទៅត្បូង បណ្ដាលឲ្យស្លាប់នៅនឹងកន្លែងកើត
ហេតុ។ ចំពោះសព មន្ត្រីជំនាញបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី។

ករណីនេះបណ្តាលមកពីអ្នកថ្មើរជើងដើរឆ្លងថ្នល់ខ្វះការប្រុងប្រយ័ត្ន នៅពេលយប់ ចំណែកអ្នកបើកបររថយន្តបើកក្នុងល្បឿនលឿន។

ក្រោយពេលកើតហេតុជំនាញបានយកមធ្យោបាយមករក្សាទុកនៅអធិការដ្ឋានដើម្បីកសាងសំណុំរឿងដោះស្រាយតាមនីតិវិធីច្បាប់៕