Post News Media ព័ត៌មានជាតិ បុរសម្នាក់ស្ល...

បុរសម្នាក់ស្លាប់យ៉ាងរន្ធត់! ក្រោយពីរថយន្តបុកនិងកិន ដាច់ខ្លួនជា២កំណាត់!!

ចែកចាយបន្ត

ភ្នំពេញ: ករណីគ្រោះថ្នាក់ចរាចរណ៍ដ៏រន្ធត់មួយកើតឡើងរវាងរថយន្តនឹងគោយន្តកន្រ្តៃ បុរសម្នាក់ស្លាប់ ខ្ទេចខ្លួនយ៉ាងរន្ធត់។
ហេតុការភ្ញាល់ផ្អើលនេះបានកើតឡើងនៅវេលាម៉ោង៧ និង៣០ នាទីយប់ ថ្ងៃទី ២៣ ខែមិថុនា ឆ្នាំ២០១៧ នៅត្រង់ចំណុចមុខខ្លោងទ្វារវត្តពូនភ្នំ លើផ្លូវទំនប់កប់ស្រូវ ស្ថិតភូមិត្រពាំងពោធិ៍ សង្កាត់គោករកា ខណ្ឌព្រែកព្នៅ រាជធានីភ្នំពេញ។

សមត្ថកិច្ចបានឲ្យដឹងថា ជនរងគ្រោះមានឈ្មោះ អ៊ិន ឃីម ភេទប្រុស អាយុ៤៥ ឆ្នាំ ស្នាក់នៅភូមិទួលដំណាក់ ឃុំចុងដូង ស្រុកបារាយណ៍ ខេត្តកំពង់ធំ។

ប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេឃើញរថយន្តម៉ាក កូរ៉េ២តោនកន្លះ ក្នុងទិសដៅពីកើតទៅលិច ជាមួយគោយន្ដកន្រៃ្ត ម៉ាក KUBOTA ពណ៌ក្រហម ស្របទិសដៅគ្នា លុះមកដល់ចំណុចកើតហេតុ រថយន្ដខាងលើបានបត់ ស្រាប់តែបុកកិនគោយន្ដ បណ្តាលឲ្យដាច់ខ្លួនជា២កំណាត់ ចេញពោះវៀនមកក្រៅស្លាប់នៅនឹងកន្លែងកើតហេតុតែម្ដង។ ចំណែករថយន្តបង្ក បានបន្ថែមល្បឿនបើករត់គេចខ្លួនបាត់ស្រមោល។

ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការវាស់វែងនិងកំណត់ហេតុ នឹងនាំយកគោយន្តកន្រ្តៃមករក្សាទុក។ ចំណែកសាកសព សមត្ថកិច្ចធ្វើស្រាវជ្រាវរកសាច់ញាតិបងប្អូន មកទទួលយកទៅធ្វើបុណ្យតាមប្រពៃណី៕