Post News Media ព័ត៌មានជាតិ យុវជនមួយក្រុម...

យុវជនមួយក្រុមមានដាវមួយដើម បម្រុងកាប់គ្នា តែសំណាងមិនល្អ ពុំទាន់ធ្វើសកម្មភាពផង ត្រូវសមត្ថកិច្ចឃាត់ខ្លួន

ចែកចាយបន្ត

ភ្នំពេញ: បើតាមសមត្ថកិច្ច បានឲ្យដឹងថា កាលពីវេលាម៉ោង ១ និង ២០ នាទីយប់ឈានចូលថ្ងៃទី ២៥ ខែ មិថុនា យុវជនមួយក្រុមមានដាវមួយដើម បំរុងកាប់គ្នា ដោយសារខឹងរឿងគេដេញវាយ ហើយមកចង់សង់សឹកគេវិញ តែសំណាងមិនល្អមិនទាន់ធ្វើសកម្មភាពផង ក៏ត្រូវសមត្ថកិច្ចឃាត់ខ្លួន ត្រង់ចំណុចក្លិប blue lanh តាមបណ្ដោយផ្លូវ ២៧១ សង្កាត់ទួលទំពូង២ ខណ្ឌចំការមន រាជធានីភ្នំពេញ។

តាមសម្ដីពីជនសង្ស័យ ២នាក់ ដែលត្រូវសមត្ថកិច្ចឃាត់ខ្លួនបានឲ្យដឹងថា មុនពេលកើតហេតុពួកគេ មានគ្នា៧នាក់ បានចូលក្លិប blue lanh ហើយពេលស្រវឹង ក៏មានគ្នារបស់ខ្លួនម្នាក់ បានដើរទៅបុកគេ ដែលបង្កឲ្យមានរឿងក្នុងក្លិបមួយប្រាវ បន្ទាប់មកពួកគេក៏ចេញពីក្លិបខាងលើ ដោយជិះម៉ូតូតាមផ្លូវ ក៏មានក្មេងទំនើងមួយក្រុម មានគ្នាប្រុសស្រីជិត២០នាក់ ជិះម៉ូតូ ៩គ្រឿង ដេញវាយ ហើយដោយពួកគេមានចិត្តខឹង ក៏លើកគ្នា៧នាក់ ជិះម៉ូតូ៥គ្រឿងមកក្លិប blue lanh យកដាវមួយដើម បម្រុងកាប់គេដើម្បីសង់សឹកវិញ តែសំណាងមិនល្អ មិនទាន់បានធ្វើសកម្មភាពផង ក៏ត្រូវសមត្ថកិច្ចឃាត់ខ្លួនបាន២នាក់ និងម៉ូតូ Zoomer បិតតែម ពណ៌ ស លាយក្រហម ពាក់ស្លាកលេខ ភ្នំពេញ 1FX -9711 ចំណែកក្រុមក្មេងទំនើងទាំងអស់ខាងលើ ក៏រត់រួចបានដោយសុវត្តិភាព ។

ក្រោយកើតហេតុសមត្ថកិច បានឃាត់ខ្លួនជនសង្ស័យក្មេងប្រុស២នាក់ និងវត្ថុតាងដាវមួយដើម ទៅប៉ុស្ពិ៍នគរបាលទួលទំពូង២ ដើម្បីសាកសួរនិងចាត់ការទៅតាមផ្លូវច្បាប់ ៕

ចែកចាយបន្ត