Post News Media ព័ត៌មានជាតិ Update: ខឹងម្...

Update: ខឹងម្តាយស្តីបន្ទោសឲ្យ រឿងដើរលេងលក់ម៉ូតូស៊ីចាយអស់ ក៏ទៅលោតទឹកសម្លាប់ខ្លួ​ន នៅស្ពានជ្រោយចង្វារ

ចែកចាយបន្ត

ភ្នំពេញ: បើតាមសមត្ថកិច្ច បានឲ្យដឹងថា យុវជនម្នាក់ខឹងម្តាយស្តីបន្ទោស រឿងដើរលេងដាច់យប់ ២យប់២ថ្ងៃលក់ម៉ូតូស៊ីចាយអស់ ក៏រត់ទៅលោតទឹកសម្លាប់ខ្លួន នៅស្ពានជ្រោយចង្វារ តែមិនទាន់បានលោតផង ក៏ត្រូវសន្តិសុខសណ្នាប់ធ្នាប់ខណ្ឌជ្រោយចង្វារ ចាប់ជាប់យកមកណែនាំនៅប៉ុស្តិ៍ជ្រោយចង្វារ។

ហេតុការណ៍នោះ បានបង្កការភ្ញាក់ផ្អើលកាលពីវេលាម៉ោង ៤និង៥នាទីរសៀល ថ្ងៃទី២៤ ខែមិថុនា ឆ្នាំ២០១៧ នៅចំណុចស្ពានជ្រោយចង្វារថ្មី ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

បុរសដែលប៉ុនប៉ងលោតសម្លាប់ខ្លួននោះ ឈ្មោះ អ៊ុក វាសនា អាយុ ២៣ឆ្នាំ មុខរបរ នៅផ្ទះ ហើយជនរងគ្រោះមានជំងឺហឺតជាយូឆ្នាំមកហើយ និងមានបងប្អូន ៧នាក់ ប្រុស៣ ស្រី៤ ចំណែកឯរូបគេជាកូនទី៧ ហើយដែលមាន​ឪពុកឈ្មោះ អ៊ុត សៅ អាយុ ៥៨ឆ្នាំ និងម្តាយឈ្មោះ មាន ណារី មានកូនប្រុសស្រី ៧នាក់ អ្នកទាំងអស់គ្នាស្នាក់នៅផ្ទះភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ។

យុវជនខាងលើបានឲ្យដឹងថា ខ្លួនបានចេញពីផ្ទះជិះម៉ូតូ មួយគ្រឿង ម៉ាក ធូដេ យកទៅដើរលេងជាមួយមិត្តភក្តិរយ:ពេល ២យប់២ថ្ងៃទើបចូលផ្ទះ ។ មុនពេលកើតហេតុបន្តិច ដោយសារតែយកម៉ូតូទៅលក់ស៊ីចាយអស់ ពេល​ឪពុកម្តាយស្តីបន្ទោសក៏មានចិត្តខឹង ហើយថា ម្តាយស្រលាញ់កូនមិនស្មើគ្នា ហើយដើរមកលើស្ពានជ្រោយចង្វារថ្មី បំរុងលោតទឹកសម្លាប់ខ្លួន ក៏ត្រូវគេឃាត់ខ្លួន និងហៅរថយន្តសាម៉ុយដឹកយកទៅសង្គ្រោះបន្ទាន់ នៅមន្ទីពេទ្យកាលម៉ែត្រ៕