Post News Media ព័ត៌មានជាតិ ល្បែងទឹកភ្លៀង...

ល្បែងទឹកភ្លៀងកំពុងលេងកណ្តាលទីក្រុងភ្នំពេញ តែ! គ្មានសមត្ថកិច្ចបង្រ្កាប ព្រោះត្រូវថ្នាំសណ្ដំម្ចាស់ទីតាំង

ចែកចាយបន្ត

ភ្នំពេញ: បើទោះបីជាសម្ដេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួង​មហាផ្ទៃ បានដាស់តឿនសមត្ថកិច្ចទូទាំងប្រទេស ឲ្យបង្ក្រាបល្បែងស៊ីសងគ្រប់ប្រភេទ ស្របទៅតាម​គោលនយោបាយ​ភូមិឃុំមានសុវត្ថិភាពរបស់រដ្ឋាភិបាលទាំង៩ចំណុច ប៉ុន្តែ! មិនឃើញអាជ្ញាធរគោរព និងអនុវត្តតាមបទបញ្ជារបស់សម្តេចក្រទ្បាហោម ស ខេង ទ្បើយ ។

តាមសេចក្តីរាយការណ៍ពីប្រជាពលរដ្ឋ ក្នុងរាជធានីភ្នំពេញ (ម្តុំអូឬស្សី) បានឲ្យដឹងថា៖
សកម្មភាពលេងល្បែងទឹកភ្លៀង ចាប់ផ្តើមលេងហើយ ពីខែឧសភា ដល់ខែតុលា គឺជាខែពេញនិយម សម្រាប់អ្នកលេងល្បែងទឹកភ្លៀង។ ជាទូទៅឲ្យ​តែមេឃស្រទុំ ឬមេឃឡើងខ្មៅម្ដងៗ ក្រុមអ្នកមានៗ ឬអ្នកលេងល្បែងទឹកភ្លៀងបានប្រមូល​ផ្ដុំគ្នាដើម្បី​ចាក់ ឬ ភ្នាល់​ទឹកភ្លៀង អ្នកខ្លះចាក់​ទឹកភ្លៀងតាមវិទ្យុទាក់ទង អ្នកខ្លះចាក់តាមទូរស័ព្ទ។​ ការចាក់លេងល្បែងទឹកភ្លៀងនេះ គឺមានការភ្នាល់គ្នា​រហូត​រាប់រយ​ រាប់ពាន់ និងរាប់ម៉ឺនរាប់សែនដុល្លារឯណោះ។
ប្រជាពលរដ្ឋបានលើកឡើងថា ល្បែងទឹកភ្លៀងដែលកំពុងលុកលុយខ្លាំងជាងគេ នៅចំកណ្តាលទីក្រុងភ្នំពេញនេះ គ្មានឃើញអាជ្ញាធរមានសមត្ថកិច្ចណាចុះបង្ក្រាបទ្បើយ។

តាមប្រភពព័ត៌មានពីប្រជាពលរដ្ឋម្នាក់ សុំមិនបញ្ចេញឈ្មោះ បានឲ្យដឹងថា មេល្បែងទឹកភ្លៀងធំជាងគេ នៅកណ្តាលរាជធានីភ្នំពេញនេះ ជាអនិកជនមកពីអាមេរិកឈ្មោះ តាសួរ ឲ្យតែជិតដល់រដូវភ្នាល់ល្បែងទឹកភ្លៀងម្តងៗ អនិកជនរូបនេះ ទ្បើងយន្តហោះមកកម្ពុជា ដើម្បីបើកល្បែងស៊ីសងនេះ។

ដោយឡែកពាក់ព័ន្ធនិងករណីនេះ Post News Media មិនអាចសុំការទំនាក់ទំនងអនិកជនមកពីអាមេរិក ឈ្មោះ តាសួរ នោះបានទេ ព្រោះគ្មានលេខទូរស័ព្ទ ៕