Post News Media ព័ត៌មានជាតិ ចោរលួចគាស់ផ្ទ...

ចោរលួចគាស់ផ្ទះអស់លក្ខណ៍ ! ត្រូវប្រជាជននាំគ្នាដេញចាប់បាន និងប្រគល់ខ្លួនឲ្យសមត្ថកិច្ច

ចែកចាយបន្ត

កណ្ដាល: កាលពីវេលាម៉ោង ១១ និង៣០នាទីថ្ងៃទី២៤ ខែមិថុនា មានករណីអំពើលួចគាស់ផ្ទះ នៅចំណុចផ្ទះ​ជួលភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្ត​កណ្តាល ។

ជនរងគ្រោះ ឈ្មោះប៊ុន សុផល ភេទប្រុស អាយុ៣៤ឆ្នាំ ទីលំនៅភូមិព្រែកសំរោង៣ សង្កាត់​តាខ្មៅ​
ក្រុង​តាខ្មៅ​ខេត្ត​កណ្តាល មុខរបរបើកបររថយន្តក្រុមហ៊ុន។

ចំណែកឯជនល្មើសម្នាក់ ឈ្មោះ កែ ជីវ័ន្ត ភេទប្រុស អាយុ២៥ឆ្នាំ ស្រុកកំណើត​ភូមិថ្មគោល ឃុំថ្មគោល ស្រុកបន្ទាយឆ្មារ ខេត្តបន្ទាយមានជ័យ ទីលំនៅបច្ចុប្បន្នស្នាក់​នៅមិនពិតប្រាកដ មុខរបរគ្មាន ត្រូវសមត្ថកិច្ចឃាត់ខ្លួន។

សម្ភារ:​បាត់បង់ រួបមាន៖ ប្រាក់ចំនួន ៣៥០ដុល្លារ,កាបូបស្ពាយពណ៌ខៀវចំនួន​០១, ពិលពណ៌ខៀវ០១, រូបព្រះធ្វើអំពីស្ពាន់០១។ រីឯវត្ថុតាងចាប់យក៖ ម៉ូតូ១គ្រឿង ម៉ាកMIO ពណ៌ស​លាយខ្មៅបិទស្កុតពណ៌ក្រហម ពាក់ស្លាកលេខ កំពង់ធំ​១A ៧៨០៣, ពិលពណ៌ខៀវ០១ និងរូបព្រះធ្វើអំពីស្ពាន់ចំនួន០១អង្គ (របសជនរងគ្រោះ) ព្រមទាំងច្រាស និងសារ៉ាខាត់ស្បែកជើង១កំប្លេ, កាបូបស្ពាយពណ៌ខ្មៅចំនួន០១, កាបូបដៃពណ៌ខ្មៅ០១, ប្រាក់ចំនួន ១៥០០រៀល, ប្រាក់ដុល្លារ(គូយ័ន្ត)ចំនួន២ដុល្លារ, ទួណឺវីសចំនួន០១ដើម, សោលេខ២៤ ចំនួន០២ និងសោលេខ១៩ចំនួន ០១។

ប្រភពពីសមត្ថកិច្ច បានប្រាប់ឲ្យដឹងថា នៅវេលាកើតហេតុខាងលើ ពេលដែលជនរងគ្រោះ ​ចេញ​ទៅធ្វើការបាត់ ដោយបានចាក់សោបន្ទប់ត្រឹមត្រូវ ពេលនោះ​ស្រាប់តែជនល្មើស បានធ្វើសកម្មភាពលួចគាស់ទ្វារ
បន្ទប់​ចូល​លួចយកទ្រព្យ​សម្បត្តិ​ ដូច​បានបានរៀបរាប់ខាងលើ ហើយ​បានគេចខ្លួនបាត់តែម្តង។ ដោយមានសាក្សីស្គាស់មុខជនល្មើសស​ច្បាស់ ព្រមទាំងមានរូបថតចាប់បានដោយកាមេរ៉ាសុវត្ថិ
ភាព​ ទើបនៅថ្ងៃទី២៣ ខែឆ្នាំដដែលជនរងគ្រោះ និងប្រជាពលរដ្ឋ បានឃើញជនល្មើសខាងលើជិះម៉ូតូ មកក្បែរផ្ទះ​ជនរងគ្រោះ​ស្នាក់​នៅ ក៏បាននាំគ្នាដេញចាប់ និងបានប្រគល់ជូនសមត្ថកិច្ចប៉ុស្តិ៍​នគរបាលតាខ្មៅ ​ដើម្បី​ធ្វើការសាកសួរ និងបញ្ជូនបន្តមកអធិការដ្ឋាន​នគរបាល​ក្រុងតាខ្មៅចាត់ការតាមនីតិវិធី។

នៅចំពោះមុខសមត្ថកិច្ចជនល្មើស បានឆ្លើយសារភាពថា ខ្លួនពិតជាបានធ្វើសកម្មភាព លួចគាស់ផ្ទះរបស់ជនរងគ្រោះពិតប្រាកដមែន ដោយធ្វើសកម្មភាពតែម្នាក់ឯងទេ៕