Post News Media ព័ត៌មានជាតិ រវល់សម្រានលក់...

រវល់សម្រានលក់ ត្រូវចោរលួចកាបូបលុយបាត់

ចែកចាយបន្ត

ភ្នំពេញ: ស្ត្រីចំណាស់ម្នាក់ បានធ្វើដំណើរទៅប្ដឹងនគរបាលចោមចៅ ដើម្បីឲ្យជួយអន្តរាគមន៏ បន្ទាប់ពីត្រូវបានចោរចូលទៅលួចយកកាបូបមួយ ដល់ក្នុងផ្ទះតែម្ដង ដែលមានលុយ៣លានរៀន រួមជាមួយអត្តសញ្ញាណ ប័ណ្ណចំនួន៤ សន្លឹកផង ខណ:ដែលគាត់ដេកលង់លក់ នៅក្នុងពេលរាត្រី ថ្ងៃទី២៣ ខែមិថុនា ឆ្នាំ២០១៧ នៅក្នុងភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

ស្ត្រីខាងលើឈ្មោះ ង៉ែត សារឿន អាយុ៥២ឆ្នាំ មុខរបរលក់ដូរស្នាក់នៅក្នុងភូមិកើតហេតុខាងលើ ក្រោយពេល បាត់បង់កាបូប គាត់មិនបានទៅប្ដឹងនគរបាលឲ្យជួយភ្លាមៗនោះឡើយ រហូតដល់ ម៉ោង៣រសៀល ថ្ងៃទី២៥ ខែមិថុនា ទើបគាត់បានធ្វើដំណើរទៅដាក់ពាក្យបណ្ដឹង នៅប៉ុស្ដិ៍ចោមចៅ ដើម្បីសុំឲ្យនគរបាលជួយអន្តរាគមន៏ ។ប៉ុន្តែនៅខណ:នោះការដាក់ពាក្យបណ្ដឹង មិនបានជោគជ័យឡើយ ដោយសារគាត់មិនបានយកឯកសារ ពាក់ ព័ន្ធទៅជាមួយទើបគាត់ត្រឡប់ទៅផ្ទះវិញ និងរង់ចាំដល់ថ្ងៃទី២៦ ខែមិថុនា គាត់និងធ្វើដំណើរទៅកាន់ ប៉ុស្ដិ៍នគរបាលខាងលើម្ដងទៀត។

ប្រភពព័ត៌មានពីស្ត្រី រងគ្រោះបានឱ្យដឹងថា នៅយប់ថ្ងៃកើតហេតុនោះគាត់ បានគេងនៅក្នុងផ្ទះ ហើយគាត់បានបិទទ្វារ ដែរ ប៉ុន្តែមិនបានខ្ទាស់គន្លឹសទ្វារនោះទេ ដោយគាត់បានបិទទ្វារដែរ តែបានយកអាគុយមួយ ទៅដាក់ទប់ទ្វារ បន្ទាប់មកក៏បានគេងលង់លក់ដោយមិនដឹងខ្លួន។ រហូតដល់វេលាម៉ោង៤ជិតភ្លឺឈានចូល ថ្ងៃទី២៤ ទើបគាត់ភ្ញាក់ពីដំណេកឡើង ស្រាប់តែបាត់កាបូបលុយ ទើបមានការភ្ញាក់ផ្អើលឆោរឡោតែម្ដង ដោយមិនដឹង ថាបាត់តាំងពីម៉ោងប៉ុន្មាន ហើយចោរចូលលួចដោយរបៀបណានោះឡើយ៕