Post News Media ព័ត៌មានជាតិ Update៖ CRVបុ...

Update៖ CRVបុករះរថយន្តលក់ម្ជូរនិងភេសជ្ជ:គ្រប់មុខ រុញផ្ទប់ទៅបុកម៉ូតូ២គ្រឿងចូលទៅបុកក្នុងតូបលក់ទូរសព្ទដៃមួយទៀត ខ្ទេចរប៉ាត់រប៉ាយទាំងយប់

ចែកចាយបន្ត

ភ្នំពេញ: មនុស្សប្រុសស្រី២នាក់ ស្ថិតក្នុងសភាពស្រវឹង បានបើកបររថយន្តម៉ាក CRV ក្នុងល្បឿនលឿនជ្រុលទៅបុករថយន្តកូរ៉េតូចមួយ ដែលមានលក់ម្ជូរនិងភេសជ្ជ:គ្រប់មុខ ហើយរុញផ្ទប់ម៉ូតូ២គ្រឿងនិងទូរលក់ទូរសព្ទ បណ្តាលឲ្យរងការខូចខាតយ៉ាងដំណំ បង្កឲ្យមានការភ្ញាក់ផ្អើលយ៉ាងខ្លាំងកាលពីវេលាម៉ោង១០យប់ ថ្ងៃទី២៧ ខែមិថុនា ឆ្នាំ២០១៧ ស្ថិតនៅលើកំណាត់ផ្លូវលេខ២០០៤ មុខហាងទូរសព្ទយីហោ ឌុក កុម្ភ: ក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។

រថយន្តបង្កម៉ាក ហុងដាCRV ពណ៌ទឹកមាស ពាក់ស្លាកលេខ 2U-0487។ ចំណែករថយន្តលក់ម្ជូរ និងភេសជ្ជ:គ្រប់មុខ ពាក់ស្លាកលេខ ភ្នំពេញ 2E-5236 ។រីឯម៉ូតូ២គ្រឿងទៀតដែលខូចខាតទី១គ្រឿងម៉ាកស៊ុយសាគីលែត ពណ៌ស ពាក់ស្លាកលេខភ្នំពេញ 1R-5892 និងមួយគ្រឿងទៀត ម៉ាកវីវ៉ា ពណ៌ខ្មៅ ពាក់ស្លាកលេខ 1D-3098។

តាមសាក្សីពីកន្លែងកើតហេតុ បានឲ្យដឹងថានៅមុន ពេលកើតហេតុគេឃើញរថយន្តបង្កបើកបរទិសដៅពីត្បូងទៅជើងក្នុងល្បឿនលឿន ខណ:មកដល់ចំណុចកើតហេតុ ក៏ជ្រុលទៅបុករថយន្តកូរ៉លក់ម្ជូរនិងភេសជ្ជ:កំពុងឈប់ចតនៅមុខហាងទូរសព្ទយីហោ ឌុក កុម្ភ: បណ្តាលឲ្យខូចខាតរួចបន្តល្បឿន រុញផ្ទប់រថយន្តកូរ៉េទៅនឹងបុកម៉ូតូ២គ្រឿងខាងលើ រួមនឹងទូរលក់ទូរសព្ទព្រម ទាំងសម្ភារ:ជួលជុលម៉ូតូមួយចំនួនធំ តែសំណាងល្អ មិនបណ្តាលឲ្យមនុស្សរងរបួសនោះទេ ។

ក្រោយកើតហេតុ សមត្ថកិច្ចនគរបាលចរាចរណ៍មូលដ្ឋាននិងជំនាញចរាចរណ៍ក្រុង ចុះមកអន្តរាគមន៍សម្រួលកន្លែងកើតហេតុ ដោយបានធ្វើការឃាត់អ្នកបើកបររថយន្តនាំទៅកាន់ការិយាល័យចរាចរណ៍ក្រុង។ ចំណែកមធ្យោបាយធ្វើដំណើរទាំងអស់ខាងលើ ត្រូវបានសមត្ថកិច្ចជំនាញចរាចរណ៍ក្រុង ធ្វើការវាស់វែងយកទៅរក្សាទុកនៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ ដើម្បីរង់ចាំធ្វើការដោះស្រាយនៅពេលក្រោយតាមផ្លូវច្បាប់បន្តទៀត ៕