Post News Media ព័ត៌មានជាតិ លទ្ធផលស្រវឹងខ...

លទ្ធផលស្រវឹងខួប! បុរសម្នាក់ត្រូវគេប្រទះឃើញអណ្តែតស្លាប់នៅក្នុងទឹកមួយកន្លែង

ចែកចាយបន្ត

បាត់ដំបង: បុរសម្នាក់ តែងតែផឹកស្រវឹងជាប្រចាំ ពេលនេះបែរជាប្រទះឃើញអណ្តែតទឹកស្លាប់យ៉ាងអាណោចអាធ័មទៅវិញ ជាហេតុបង្កឲ្យមានការភ្ញាក់ផ្អើលយ៉ាងខ្លាំង កាលពីវេលាម៉ោង១២និង៤០នាទីថ្ងៃត្រង់ទី២៨ ខែមិថុនា ឆ្នាំ២០១៧ ស្ថិតនៅចំណុចភូមិប៉ោយយ៉ុង ឃុំតាពូង ស្រុកថ្មគោល ខេត្តបាត់ដំបង។

សាកសពជនរងគ្រោះខាងលើនេះមានឈ្មោះ រី សារិ ហៅអ៊ួក ភេទប្រុស អាយុ៤២ឆ្នាំ ស្នាក់រស់នៅក្នុងភូមិកើតហេតុខាងលើ ហើយសាកសពនេះ ទំនងជាស្លាប់កាលពីវេលាម៉ោង២រសៀល ថ្ងៃទី២៧ ខែមិថុនា ឆ្នាំ២០១៧ តែទើបតែប្រទះឃើញសាកសពអណ្តែតនៅថ្ងៃទី២៨ ខែមិថុនានេះ។

ចំណែកមូលហេតុ គឺត្រូវបានសមត្ថកិច្ចបានឲ្យដឹងថា ជនរងគ្រោះជាមនុស្សស្រវឹងខួប ហើយបច្ចុប្បន្នសាកសពខាងលើ ត្រូវបានក្រុមគ្រួសារយកមកធ្វើបុណ្យតាមប្រពៃណី៕