Post News Media ព័ត៌មានជាតិ រថយន្តពន្លះម៉...

រថយន្តពន្លះម៉ូតូពេញទំហឹង បុរសម្នាក់ស្លាប់នៅនឹងកន្លែង

ចែកចាយបន្ត

កណ្តាល: ករណីគ្រោះថ្នាក់ចរាចរណ៍រវាងរថយន្តនិងម៉ូតូ បណ្ដាលឲ្យបុរសម្នាក់ស្លាប់នៅនឹងកន្លែងកើតហេតុ។

ហេតុការណ៍កើតឡើងនៅវេលាម៉ោង៨ និង២៥នាទីយប់ ថ្ងៃទី២៨ ខែមិថុនា ឆ្នាំ២០១៧ លើផ្លូវជាតិលេខ៣ ចន្លោះគីឡម៉ែត្រ៣៥-៣៦ ភូមិជីមៅ ឃុំត្បែងស្រុកកណ្ដាលស្ទឹង ខេត្តកណ្ដាល។

ម៉ូតូរងគ្រោះម៉ាកហុងដា សេ១២៥ ពណ៌ខ្មៅ ពាក់ស្លាកលេខ ភ្នំពេញ1AU-4233 ជិះដោយឈ្មោះ ថោង ណារឹទ្ធ ភេទប្រុស អាយុ៣៨ឆ្នាំ នៅភូមិស្លែងរលើង សង្កាត់ទឹកថ្លា ខណ្ឌសែនសុខ ក្នុងទិសដៅពីជើងមកត្បូង ពីភ្នំពេញមកតាកែវ លុះមកដល់ចំណុចកើតហេតុខាងលើ ក៏បានបុកជាមួយ រថយន្តម៉ាកTACOMA ពណ៌ទឹកប្រាក់ ពាក់ស្លាកលេខ ភ្នំពេញ2Y-3876 បើកបរក្នុងទិសដៅពីត្បូងមកជើង (បញ្រ្ចាសទិសគ្នា) អ្នកបើកបរគេចខ្លួនបាត់។

ចំពោះវត្ថុតាងរថយន្តនិងម៉ូតូកម្លាំងជំនាញយកមករក្សារទុកនៅអធិការដ្ឋានជាបណ្ដោះអាសន្ន ចំពោះសាកសពបានប្រគល់ជូនសាច់ញាតិបងប្អូនយកទៅធ្វើបុណ្យតាមប្រពៃណី៕