Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យ៣នាក់ ក្រោយពីធ្វើសកម្មភាពលួចម៉ូតូជនបរទេសបានសម្រេច

ចែកចាយបន្ត

ព្រះសីហនុ: ជនសង្ស័យ៣នាក់ ត្រូវបានសមត្ថកិច្ចឃាត់ខ្លួន ក្រោយពីធ្វើសកម្មភាពលួចម៉ូតូជនបរទេស។

ហេតុការណ៍នៅវេលាម៉ោង ៣ទៀបភ្លឺ ថ្ងៃទី២៩ ខែមិថុនា ឆ្នាំ២០១៧ ស្ថិតនៅ ក្រុមទី១៤ ភូមិ៤ សង្កាត់៤ ខេត្តព្រះសីហនុ។

ជនសង្ស័យចំនួន៣នាក់ ទី១ឈ្មោះ ខន លាង ភេទប្រុស អាយុ១៨ឆ្នាំ មុខរបរ កម្មករសំណង់ ស្នាក់នៅក្រុមទី៣៥ ភូមិ៣ សង្កាត់១ ខេត្តព្រះសីហនុ (ជនដៃដល់) ,ទី២ឈ្មោះ វ៉ាន់ ណា ភេទប្រុស អាយុ២៩ឆ្នាំ មុខរបរ កម្មករសំណង់ ស្នាក់នៅក្រុម៣៥ ភូមិ៣ សង្កាត់១ ខេត្តព្រះសីហនុ (សមគំនិត) និងទី៣ឈ្មោះ ជា សុខនី ភេទស្រី អាយុ ២៩ឆ្នាំ មុខរបរ នៅផ្ទះ ស្នាក់នៅក្រុម៣៥ ភូមិ៣ សង្កាត់១ខេត្តព្រះសីហនុ (សមគំនិត)។
ក្នុងនោះដកហូតវត្ថុតាងបាន៖ ម៉ូតូ១គ្រឿង ម៉ាក អ៊ែរប្លែគ ពណ៌ក្រហម លាយស (ផលនៃអំពើលួច)។

ចំណែកជនរងគ្រោះឈ្មោះ DOLLINGER STEFFEN ERICH ភេទប្រុស អាយុ ២៨ឆ្នាំ មុខរបរ ទេសចរណ៍ ស្នាក់នៅក្រុម១៤ ភូមិ៤ សង្កាត់៤ ខេត្តព្រះសីហនុ ។ សម្ភារ:បាត់បង់រួមមាន៖ ម៉ូតូ១គ្រឿង ម៉ាក អ៊ែរប្លែគ ពណ៌ក្រហម លាយស។

ចំពោះជនសង្ស័យទាំង៣នាក់ខាងលើនេះ ការិយាល័យនគរបាលព្រហ្មទណ្ឌកម្រិតស្រាល កំពុងកសាងសំណុំរឿងដើម្បីបញ្ជូនទៅសាលាដំបូងខេត្តព្រះសីហនុ៕