Post News Media ព័ត៌មានជាតិ ជនសង្ស័យ២នាក់...

ជនសង្ស័យ២នាក់ក្នុងចំណោមបក្សពួក ត្រូវសមត្ថកិច្ចឃាត់ខ្លួន ពាក់ព័ន្ធករណីគ្រឿងញៀន!

ចែកចាយបន្ត

កណ្ដាល: កម្លាំងជំនាញប្រឆាំងបទល្មើសគ្រឿងញៀននៃអធិការដ្ឋាននគរបាលស្រុកកណ្ដាលស្ទឹងបានធ្វើការចុះបង្ក្រាបជនសង្ស័យ៣នាក់ករណីគ្រឿងញៀន។

ប្រតិបត្តិការនេះបានធ្វើឡើងនៅវេលាម៉ោង១១និង១០នាទីយប់ ថ្ងៃទី២៩ ខែមិថុនា ឆ្នាំ២០១៧ ត្រង់ចំណុចភូមិស្វាយមីង ឃុំបារគូ ស្រុកកណ្ដាលស្ទឹង ខេត្តកណ្ដាល។

ប្រភពព័ត៌មានបានឲ្យដឹងថា ជនសង្ស័យទី១ឈ្មោះ ឡុង សុភក្ត្រា ភេទប្រុស អាយុ២៦ឆ្នាំ មានទីលំនៅភូមិស្វាយមីង ឃុំបារគូ ស្រុកកណ្ដាលស្ទឹង ខេត្តកណ្ដាល មានមុខរបរបើករថយន្ដ (ឃាត់ខ្លួន) ទី២ឈ្មោះ អ៊ុ សុភា ភេទប្រុស អាយុ៣១ឆ្នាំ មានទីលំនៅភូមិអូរអណ្ដូង ឃុំបាគូ ស្រុកកណ្ដាល
ស្ទឹង ខេត្តកណ្ដាល មានមុខរបរកម្មករកាប់ជ្រូក(ឃាត់ខ្លួន) និងទី៣ឈ្មោះ អៃ គឹមស្រេង ភេទប្រុសអាយុ៣១ឆ្នាំ មានទីលំនៅភូមិកំពង់ទួល ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល មានមុខរបរកម្មករកាប់ជ្រូក(រត់គេចខ្លួន)។
វត្ថុតាងចាប់យករួមមាន ម្សៅក្រាមពណ៌សថ្លាមេតំហ្វេតាមីនម៉ាទឹកកក ICE សង្ស័យសារធាតុញៀន១៧កញ្ចប់ (តូច១៥កញ្ចប់ ធំ២កញ្ចប់) ម៉ូតូ២គ្រឿង ម៉ូតូម៉ាកហុងដាសេ១២៥ពណ៌ខ្មៅសេរី២០១៧ ស្លាកលេខកណ្ដាល1U-5235 និងម៉ូតូម៉ាកXRគ្មានស្លាកលេខពណ៌ក្រហម) សម្ភារ:សម្រាប់ប្រើប្រាស់វេចខ្ចប់មួយចំនួន និងលុយខ្មែរ១២០០០រៀល។

ប្រភពដដែលបានបន្តថា នៅមុនពេលកើតហេតុ កម្លាំងជំនាញប្រឆាំងបទល្មើសគ្រឿងញៀននៃអធិការដ្ឋាននគរបាលស្រុកកណ្ដាលស្ទឹងដឹងនាំដោយលោក ម៉ែន ច័ន្ទរិទ្ធ អធិការនគរបាលស្រុកកណ្ដាលស្ទឹងបានចុះសហការជាមួយប៉ុស្ដិ៍នគរបាលរដ្ឋបាលឃុំបារគូ និងដោយមានការចុះសហការដោយផ្ទាល់ពីការិយាល័យជំនាញប្រឆាំងបទល្មើលគ្រឿងញៀននៃស្នងការដ្ឋាននគរបាលខេត្តកណ្ដាលដោយបានការអនុញ្ញតពីលោកព្រះរាជអាជ្ញាអមសាលាដំបូងខេត្តកណ្ដាលបានចុះទៅបង្រ្កាបទីតាំងជួញដូរថ្នាំញៀនមួយកន្លែងស្ថិតនៅចំណុចភូមិស្វាយមីង ឃុំបារគូ ស្រុកកណ្ដាលស្ទឹង ខេត្តកណ្ដាល និងបានឃាត់ខ្លួនជនសង្ស័យបាន២នាក់ និងជនសង្ស័យម្នាក់ទៀត បានរត់គេចខ្លួនក្រោយពីធ្វើការឃាត់ខ្លួនជនសង្ស័យទាំង២នាក់ សមត្ថកិច្ចបានធ្វើការឆែកឆេររកឃើញថ្នាំញៀនប្រភេទម៉ាទឹកកក១៧កញ្ចប់ (តូច១៥កញ្ចប់ និងធំ២កញ្ចប់)។

ក្រោយពីធ្វើការឆែកឆេររួចហើយសមត្ថកិច្ចបាននាំខ្លួនជនសង្ស័យទាំង២នាក់មកកាន់អធិការដ្ឋាននគរបាលស្រុកកណ្ដាលស្ទឹងដើម្បីកសាងសំណុំរឿងបន្ត ចាត់ការតាមនីតិវីធី៕