Post News Media ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនជនសង្ស័យ៣នាក់ ករណីគ្រឿងញៀន!

ចែកចាយបន្ត

ភ្នំពេញ: ជនសង្ស័យ៣នាក់ចូលទៅសម្ងំប្រើប្រាស់នូវសារធាតុញៀននៅក្នុងខ្ទមបែកបាក់មួយកន្លែងត្រូវប្រជាការពារចាប់ប្រគល់ខ្លួនឲ្យសមត្ថកិច្ច។

ប្រតិបត្តិការនេះបានធ្វើឡើងនៅវេលាម៉ោង២និង៣០នាទីរសៀល ថ្ងៃទី២៩ មិថុនា ឆ្នាំ២០១៧ ត្រង់ចំណុចផ្ទះខ្ទមបាក់បែកចាំដីឡូត៍ ផ្លូវលំ ភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។

ប្រភពព័ត៌មានបានឲ្យដឹងថា ជនសង្ស័យមានគ្នា៣នាក់ទី១ឈ្មោះ ផាន សម្បត្តិ ភេទប្រុស អាយុ២៥ឆ្នាំ មុខរបរកម្មករ សំណង់ រស់នៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ ទី២ឈ្មោះ ផាន ដានី ភេទប្រុស អាយុ៣៣ឆ្នាំ មុខ
របរនៅផ្ទះ រស់នៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ និងទី៣ឈ្មោះ គីន ចាន់ធី ភេទប្រុស អាយុ២០ឆ្នាំ មុខរបរនៅផ្ទះ ស្នាក់នៅផ្ទះជួល ភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ។

វត្ថុតាងចាប់យករួមមាន ឧបករណ៍កែច្នៃសំរាប់ប្រើប្រាស់គ្រឿងញៀន ដែកកេះចំនួន២។

ប្រភពដដែលបានបន្តថា នៅមុនពេលកើតហេតុ ជនសង្ស័យចំនួន៣នាក់ខាងលើបានចូលទៅចំណុចទីតាំងខាងលើ ពេលនោះប្រជាការពារសង្កាត់បានល្បាតក្នុងមូលដ្ធាន បានឃើញលបឆ្មក់ចូលទៅខ្ទមបាក់បែក ក៏ឃើញជនជនសង្ស័យសង្ងំជក់ថ្នាំ និងរកឃើញវត្ថុតាង ឧបករណ៍កែច្នៃប្រើប្រាស់គ្រឿងញៀន និងដែកកេះចំនួន២។ បន្ទាប់មកប្រជាការពារសង្កាត់បាននាំខ្លួនជនសង្ស័យទាំង៣នាក់ មកប្រគល់ឲ្យសមត្ថកិច្ចប៉ុស្តិ៍ត្រពាំងក្រាំងសួរនាំតែម្តង។

បច្ចុប្បន្នជនសង្ស័យទាំង៣នាក់រួមនឹងវត្ថុតាងត្រូវបានបញ្ចូនមកឃុំខ្លូនបណ្តោះអាសន្ននៅផ្នែកជំនាញនគរបាលយុត្តិធម៌នៃអធិការដ្ធាននគរបាលខណ្ឌពោធិ៍សែនជ័យ ចាត់ការតាមនីតិវិធីច្បាប់៕