Post News Media ព័ត៌មានជាតិ មុខអ៊ីចឹងសោះជ...

មុខអ៊ីចឹងសោះជួញដូរគ្រឿងញៀនយ៉ាងសកម្ម ពេលនេះត្រូវសមត្ថកិច្ចបង្ក្រាបបាន

ចែកចាយបន្ត

ភ្នំពេញ: ជនសង្ស័យម្នាក់ត្រូវបានកម្លាំងនគរបាលព្រហ្មទណ្ឌខណ្ឌសែនសុខ ដឹកនាំកម្លាំងចុះឆ្មក់បង្ក្រាប និងឃាត់ខ្លួនបាន ពាក់ពន្ធ័នឹងករណីជួញដូរនិងប្រើប្រាស់គ្រឿងញៀនខុសច្បាប់ ដកហូតបានថ្នាំញៀនចំនួន៨កញ្ចប់ រួមនឹងឧប្បករណ៍ប្រើប្រាស់មួយចំនួន។

ប្រតិបត្តិការនេះបានធ្វើឡើងកាលពីវេលាម៉ោង៩និង៤០នាទី ព្រឹកថ្ងៃទី៣០ ខែមិថុនា ឆ្នាំ២០១៧ នៅចំណុចផ្ទះសង់ថ្មី ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនបានខាងលើនេះ មានឈ្មោះ មាស វិសាល ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅផ្ទះកើតហេតុខាងលើ និងមានស្រុកកំណើតភូមិសួង ឃុំសួង ស្រុកត្បូងឃ្មុំ ខេត្តកំពង់ចាម។

មុននឹងឈានដល់ការបង្ក្រាបនិងឃាត់ខ្លួនបានជនសង្ស័យខាងលើនេះ ដោយមានការស៊ើបអង្កេត និងស្រាវជ្រាវរបស់សមត្ថកិច្ចជំនាញ ទើបឃាត់ខ្លួនបានជនសង្ស័យម្នាក់នេះ។ ក្នុងនោះសមត្ថកិច្ចបានដកហូតវត្ថុតាងរួមមានថ្នាំញៀនចំនួន៨កញ្ចប់តូច និងឧបករណ៍សម្រាប់ប្រើប្រាស់នូវសារធាតុញៀនមួយចំនួន។

បច្ចុប្បន្នជនសង្ស័យរួមនឹងវត្ថុតាង កំពុងត្រូវបានសមត្ថកិច្ចធ្វើការឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីកសាងសំណុំរឿងចាត់ការតាមនិតិវិធីបន្តទៀត៕