Post News Media ព័ត៌មានជាតិ ឲ្យរាង! កំពុង...

ឲ្យរាង! កំពុងតែលួចគាស់សោបន្ទប់ជួលគេបានហើយ ស្រាប់តែម្ចាស់គេទាន់ដាក់ជិតក្ស័យទើបលើកដៃសំពះ

ចែកចាយបន្ត

ភ្នំពេញ: ជនសង្ស័យម្នាក់ បានធ្វើសកម្មភាពគាស់សោបន្ទប់ជួលគេ លួចយកសម្លៀកបំពាក់ និងសម្ភារ:មួយចំនួនបានសម្រេច តែសំណាងអាក្រក់រត់មិនរួច ត្រូវម្ចាស់បន្ទប់ទាន់ ចាប់បានខ្លួនបានស្រែកឆោឡោផ្អើលប្រជាពលរដ្ឋដាក់ម្នាក់ដៃម្នាក់ជើងរងរបួសធ្ងន់ទើបប្រគល់ឲ្យសមត្ថកិច្ច។

ហេតុការណ៍នេះបានកើតឡើងកាលពីវេលាម៉ោង៤និង១០នាទីយប់ ថ្ងែទី៥ ខែកក្កដា ឆ្នាំ២០១៧ តាមបណ្តោយផ្លូវលេខ២៧១ ទល់មុខមន្ទីរពេទ្យក្រហម ស្ថិតក្នុងសង្កាត់បឹងទំពុន ខណ្ឌមានជ័យ រាជធានីភ្នំពេញ។

ប្រភពព័ត៌មានពីជនរងគ្រោះជាម្ចាស់បន្ទប់បានឲ្យដឹងថា ជនសង្ស័យម្នាក់នេះ បានលួចចូលទៅគាស់សោទ្វារបន្ទប់ផ្ទះជួលរបស់គាត់ ដោយមានបក្ខពួកគេមាន៣នាក់ ពេលដែលគាត់ទើបតែជិះម៉ូតូចេញពីធ្វើការមកផ្ទះវិញ ក៏មានអារម្មណ៍ថាបន្ទប់របស់គាត់ដូចជាមានមនុស្សចូល ស្រាប់តែគាត់ដើរចូលទៅក៏ធ្វើជនសង្ស័យម្នាក់ បានគាស់ទ្វារបន្ទប់គាត់រួចបាត់ទៅហើយ ដោយឃើញបែបនេះគាត់ជាម្ចាស់បន្ទប់ ក៏ស្រែកឲ្យប្រជាពលរដ្ឋនៅជិតខាង ជួយចាប់ជនសង្ស័យ ប៉ុន្តែចាប់បានតែម្នាក់ ចំណែកបក្ខពួកជនសង្ស័យ២នាក់ទៀត បានរត់គេចខ្លួនទៅបាត់ស្រមោល។

ចំណែកជនសង្ស័យម្នាក់ដែលចាប់បាន ត្រូវប្រជាពលរដ្ឋនាំគ្នាព្រួតវាយម្នាក់ដៃម្នាក់ជើង បណ្តាលឲ្យរងរបួសបែកក្បាលហូរឈាមពេញខ្លួន បង្កឲ្យមានការភ្ញាក់ផ្អើលយ៉ាងខ្លាំង ទល់មុខនឹងសាលាមន្ទីរពេទ្យ ហើយក្រោយកើតហេតុប្រហែល១០នាទី ជនសង្ស័យត្រូវបានសមត្ថកិច្ចប៉ុស្តិ៍នគរបាលបឹងទំពុនឃាត់ខ្លួនយកទៅសាកសួរ និងកសាងសំណុំរឿងចាត់ការតាមនីតិវិធីច្បាប់ ៕