Post News Media ព័ត៌មានជាតិ កាមរីបាឡែនបើក...

កាមរីបាឡែនបើកលឿនពេក បុកបង្គោលភ្លើងពេញទំហឹង លោះព្រលឹងអស់!..

ចែកចាយបន្ត

ភ្នំពេញ: បុរសម្នាក់ បានបើករថយន្តកាមរីឆ្លាមមួយគ្រឿង ក្នុងល្បឿនលឿនបានរ៉េចង្កូតទៅបុកបង្គាលភ្លើងមួយដើម នៅតាមបណ្តោយផ្លូវលេខ៥៩៨ យ៉ាងពេញទំហឹង បណ្តាលឲ្យបង្គាលភ្លើងស្ទើរតែបាក់ចុះក្រោមតែម្តង។ ចំណែកបុរសដែលបើករថយន្តកាមរីឆ្លាម បានព្យាយាមបើករថយន្តរត់គេចខ្លួន បានប្រហែលជា២០០ម៉ែត្រ ក៏ទៅមុខលែងរួច ដោយសារតែរថយន្តបានរងការខូចខាតខ្ទេចខ្ទីផ្នែកខាងមុខស្ទើរតែទាំងស្រុងទៅហើយ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៣និង៣០នាទីយប់ ថ្ងែទី៥ ខែកក្កដា ឆ្នាំ២០១៧ ស្ថិតក្នុងភូមិទំនប់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

យោងតាមប្រភពព័ត៌មានពីប្រជាពលរដ្ឋដែលឃើញហេតុការណ៍នេះបានឲ្យដឹងថា មុនពេលកើតហេតុ គេបានឃើញបុរសម្នាក់បើករថយន្តមួយគ្រឿងម៉ាក កាមរីឆ្លាម ពណ៌ស្ករ ពាក់ស្លាកលេខ ភ្នំពេញ 2S- 0261 ធ្វើដំណើរតាមបណ្តោយផ្លូវលេខ៥៩៨ ក្នុងទិសដៅពីជើងទៅត្បូង ក្នុងល្បឿនលឿន លុះមកដល់ចំណុចកើតហេតុ បានរ៉េចង្កូតរថយន្ត ជ្រុលទៅបុក បង្គាលភ្លើងមួយដើមយ៉ាងពេញទំហឹង បណ្តាលឲ្យបង្គាលភ្លើងស្ទើរតែបាក់ចុះក្រោម តែសំណាងល្អ មិនបង្កឲ្យមាននរណាម្នាក់រងរបួសនោះឡើយ ខណ:ដែលរថយន្តកាមរីឆ្លាម បើកទៅបុកបង្គាលភ្លើងហើយ បានព្យាយាមបើករថយន្តរត់គេចខ្លួន បានប្រហែលជា២០០ម៉ែត្រ ក៏ទៅមុខលែងរួច ដោយសារតែរថយន្តបានខ្ទេចខ្ទីផ្នែកខាងមុខស្ទើរតែទាំងស្រុងតែម្តង ។

ក្រោយពេលកើតហេតុ សមត្ថកិច្ចជំនាញចរាចរណ៍បានចុះមកធ្វើការវាស់វែងយករថយន្តទៅរក្សាទុកនៅការិយាល័យស្នងការនគរបាលរាជធានីភ្នំពេញ រួមទាំងអ្នកបើកបររថយន្តដើម្បីរង់ចាំធ្វើការដោះស្រាយគ្នាពេលក្រោយតាមផ្លូវច្បាប់ ៕