Post News Media ព័ត៌មានជាតិ នគរបាលខណ្ឌដូន...

នគរបាលខណ្ឌដូនពេញឃាត់ខ្លួនជនសង្ស័យពីរនាក់ពាក់ព័ន្ធគ្រឿងញៀន!

ចែកចាយបន្ត

ភ្នំពេញ: ជនសង្ស័យពីរនាក់និងក្រាមសថ្លាសង្ស័យជាគ្រឿងញៀនពីរកញ្ចប់តូច ត្រូវបានសមត្ថកិច្ចនគរបាលខណ្ឌដូនពេញឃាត់ខ្លួននិងដកហូត។

ប្រតិបត្តការនេះបានធ្វើឡើងនៅវេលាម៉ោង១២និង៣០នាទីរំលងអធ្រាត ឈានចូលថ្ងៃទី៧ ខែកក្កដា ឆ្នាំ២០១៧ ស្ថិតនៅចំណុចផ្លូវរថភ្លើង ភូមិ២ សង្កាត់ស្រះចក ខណ្ឌដូនពេញ។

ជនសង្ស័យទាំងពីរនាក់នោះទី១ឈ្មោះ លី យីន ភេទប្រុសអាយុ២៩ឆ្នាំ មុនរបរជាងឡាន ស្នាក់នៅក្នុងការ៉ាស់ សង្កាត់បឹងកក់ពីរ ខណ្ឌទួលគោក រាជធានីភ្នំពេញនិងទី២ឈ្មោះ លីម ថាភេទប្រុស អាយុ២២ឆ្នាំ មុខរបរលាងឡាន ស្នាក់នៅក្នុងការ៉ាស់សង្កាត់បឹងកក់២ ខណ្ឌទួលគោក រាជធានីភ្នំពេញ។

សមត្ថកិច្ចខណ្ឌដូនពេញម្នាក់បានឲ្យដឹងថា យុទ្ធនាការបង្ក្រាបខាងលើ កំលាំងផ្នែកប្រឆាំងគ្រឿងញៀនសហការជាមួយកំលាំងសហប៉ុស្តិ៍នៃអធិការដ្ឋាននគរបាលខណ្ឌដូនពេញ បានធ្វើការឃាត់ ខ្លួនជនសង្ស័យពីរនាក់ ពីបទរក្សាទុកដោយខុសច្បាប់នូវសារធាតុញៀននៅចំណុចកើតហេតុខាងលើតែម្តង។វត្ថុតាងដកហូតរួមមាន ក្រាមពណ៌សថ្លាសង្ស័យជាគ្រឿង ញៀន២កញ្ចប់តូច ចាប់យកពីឈ្មោះ លី យីន ម៉ូតូ១គ្រឿងម៉ាកFZ ពណ៌ខ្មៅ ពាក់ស្លាកលេខ ភ្នំពេញ 1DB.1830។

បច្ចុប្បន្នជនសង្ស័យខាងលើកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌដូនពេញដើម្បីសាកសួរនិងចាត់ការបន្តតាមនីតិវិធីច្បាប់៕