Post News Media ព័ត៌មានជាតិ រឿងក្តីគ្រូពេ...

រឿងក្តីគ្រូពេទ្យបម្រុងចាប់រំលោភអ្នកជំងឺ ពេលនេះត្រូវបានខាងជនរងគ្រោះដកពាក្យបណ្តឹងវិញហើយ

ចែកចាយបន្ត

សៀមរាប: យោងតាមបង្ហោះរបស់គណនីបណ្តាញសង្គម ឈ្មោះ David Chanaiwa បានឲ្យដឹងថា ក្នុងរឿងក្ដី ទា ស៊ីវហ្គិច និង វ៉ាន់ស៊ុន ពេលនេះត្រូវបានភាគី ទា ស៊ីវហ្គិច ដកពាក្យបណ្តឹងវិញហើយ។

ក្នុងនោះបើតាមការបង្ហោះទាំងស្រុង រយ:ពេល៦ម៉ោង កាលពីព្រឹកថ្ងៃទី៨ ខែកក្កដា ឆ្នាំ២០១៧ របស់ម្ចាស់គណនីឈ្មោះ David Chanaiwa បានឲ្យដឹងថា៖ «ខ្ញុំទទួលដំណឹងថាក្មួយ ទា ស៊ីវហ្គិច បានដាក់លិខិតដកពាក្យបណ្ដឹងលើក្មួយ វ៉ាន់ស៊ុន ដោយមិនទាមទាសំណង ចូលទៅអយ្យកាខេត្តសៀមរាប ហើយកាលពីម្សិលមិញនេះ យោងតាមហេតុផលដ៏ល្អគឺនាងចង់ផ្ដល់ឱកាសឲ្យ វ៉ាន់ ស៊ុន បានកែប្រែខ្លួននឹងសារភាពកំហុសឆ្គង ដែលបានលើសលួសលើរូបនាងជា ( ករណីនេះជន វ៉ាន់ ស៊ុន បានសារភាពកំហុសថាបានប្រព្រឹត្តលើ កញ្ញា ទា ស៊ីវហ្គិច ) នេះជាសក្ខីភាពដ៏ល្អមួយបញ្ជាក់ថាកញ្ញា ទា ស៊ីវហ្គិច មានចិត្តមេត្តាសន្ដោសនឹងមិនចង់ឲ្យក្មួយ វ៉ាន់ស៊ុន ទទួលទោសជាប់ពន្ធនាគា ហើយបាត់បង់អនាគតរួមទាំងគ្មានទីពំនឹងក្នុងការរកប្រាក់ផ្គត់ផ្គង់គ្រួសារឡើយ នាងទាមទាត្រឹមតែឲ្យជន វ៉ាន ស៊ុន សារភាពកំហុសឆ្គងជាសាធារណ:ដើម្បីជាសក្ខីកម្មបញ្ជាក់ទៅជនជ្រុលនិយមមួយចំនួនឲ្យបញ្ចប់នៅវប្បធម៌លាបពណ៌ ប្រឌិតព័ត៌មានញុះញុងឲ្យនាងដែលជាភាគីរងគ្រោះកាន់តែរងគ្រោះបន្តទៅទៀត ជាពិសេសការប្រមាថក្នុងន័យបទល្មើស បរិហាកេរ្តិ៍ជាសាថារណ: ជាពិសេសមន្ទីសម្រាកដែលមិនមានភាពទទួលខុសត្រូវលើអ្នកជំងឺ»

ប្រភពនៃការបង្ហោះដដែល បានបន្តថា «ខ្ញុំឧកញ៉ា ដេវីតឆាយណាវ៉ា សុំថ្លែងអំណរអរគុណយ៉ាងជ្រៀលជ្រៅចំពោះក្មួយ ស៊ីវ ហ្គិច ដែលមិនប្រកាន់ខឹងចំពោះកំហុសរបស់ក្មួយវ៉ាន់ ស៊ុន ជាពិសេសខ្ញុំស្នើសុំឲ្យមហាជនមិត្តភក្តិសាច់ញាត្តិ វ៉ាន់ ស៊ុន ទាំងអស់ឈប់ព្យាយាមការពារកំហុសក្មួយ វ៉ាន់ ស៊ុន បន្តទៀត ដែលមើលទៅវាជាការជំរុញឲ្យក្មួយវ៉ាន់ស៊ុនកាន់តែមានកំហុសលើសដើម នឹងបន្ថែមភាពក្ដៅក្រហាយដល់ជនរងគ្រោះយ៉ាងលើសលុបលើផ្នែកបញ្ហាផ្លូវចិត្ត។ សុំអរគុណ លោក សុខ សុវណ្ណវឌ្ឍនាសារពង្ស ហៅអាគាត់ ( William Guang )នេះ ដែលបានចូលរួមពន្យល់ណែនាំនឹងខិតខំក្នុងបេសកកម្មរកយុត្តិធម៌នឹងការពារយុត្តិធម៌ឲ្យនារីរងគ្រោះតាំងពីដើមទី សុំអរគុណដល់សហការីមេធាវីរបស់ខ្ញុំទាំងអស់ដែលបានខិតខំក្នុងបេសកកម្មនេះ»៕

ចែកចាយបន្ត