Post News Media ព័ត៌មានជាតិ រថយន្តដឹកអ្នក...

រថយន្តដឹកអ្នកដំណើរ ក្រុមហ៊ុន ថោងស៊ីន បុកម៉ូតូពេញទំហឹង បណ្តាលឲ្យម្តាយនឹងកូនស្រីរងរបួសធ្ងន់

ចែកចាយបន្ត

ពោធិ៍សាត់: លោកអធិការស្រុកបាកាន បានប្រាប់ Post News ថា មានករណីគ្រោះថ្នាក់ចរាចរណ៍រវាងរថយន្ត ដឹកអ្នកដំណើរក្រុមហ៊ុន ថោងស៊ីន បុកម៉ូតូ បណ្តាលឲ្យឪពុកនឹងកូនស្រីរងរបួសធ្ងន់។

ហេតុការណ៍កើតឡើងនៅវេលាម៉ោង៣ និង១០នាទីទៀបភ្លឺ ថ្ងៃទី១១ ខែកក្កដា ឆ្នាំ២០១៧ នៅលើផ្លូវជាតិលេខ៥ ត្រង់ចន្លោះគីឡូម៉ែត្រលេខ១៩២-១៩៣ ស្ថិតក្នុងភូមិកំពែងស្វាយ ឃុំស្នាមព្រះ ស្រុកបាកាន ខេត្តពោធិ៍សាត់។

រថយន្តបង្កម៉ាក ហ៊ីយ៉ាន់ដាយ ពណ៌ស លាយផ្ទៃមេឃ ពាក់ស្លាកលេខ ភ្នំពេញ3C-9598 ធ្វើដំណើពីខាងលិចទៅកើត(អ្នកបើកបរគេចខ្លួន) លុះពេលមកដល់ចំណុចកើតហេតុខាងលើ បានបុកម៉ូតូ សេ១២៥ ពណ៌ខ្មៅ ពាក់ស្លាកលេខ កំពង់ចាម1D-4219 ស្របទិសគ្នា ជិះដោយឈ្មោះ យាន់ រឹម ភេទស្រី អាយុ៣៤ឆ្នាំ ស្នាក់នៅភូមិ ស្តុកស្វាយ ឃុំស្នាមព្រះ ស្រុកបាកាន រងរបួសធ្ងន់និងឌុបកូន ឈ្មោះ យាន់ រ៉ាយ ភេទស្រី អាយុ១២ឆ្នាំ រងរបួសធ្ងន់។

ចំពោះវត្ថុតាង រថយន្តនិងម៉ូតូ សមត្ថកិច្ចនាំយកមករក្សាទុកនៅការិយាល័យនគរបាលចរាចរណ៍ផ្លូវគោក ដើម្បីកសាងសំណុំរឿង ចាត់ការតាមនិតិវិធីច្បាប់៕