Post News Media ព័ត៌មានជាតិ ព្រោះមិនចង់ឲ្...

ព្រោះមិនចង់ឲ្យប្រពន្ធកូនលំបាក បុរសម្នាក់បានសម្រេចចិត្តចងកសម្លាប់ខ្លួន

ចែកចាយបន្ត

បាត់ដំបង: ហេតុការណ៍ភ្ញាក់ផ្អើលមួយបានកើតឡើង បន្ទាប់ពីបុរសម្នាក់ បានធ្វើអត្តឃាតចងកសម្លាប់ខ្លួនស្លាប់ចោលប្រពន្ធនិងកូនយ៉ាងអាណោចអាធ័ម។

ហេតុការណ៍នេះបានកើតឡើងកាលពីវេលាម៉ោង៥និង៣០នាទី ថ្ងៃទី១១ ខែកក្កដា ឆ្នាំ២០១៧ ស្ថិតនៅចំណុចក្រុម១២ ភូមិថ្មី ឃុំតាគ្រាម ស្រុកបាណន់ ខេត្តបាត់ដំបង។

សមត្ថកិច្ចបានឲ្យដឹងថា សាកសពជនរងគ្រោះដែលស្លាប់មានឈ្មោះ វ៉ាន់ ធឿត ភេទប្រុស អាយុ៤០ឆ្នាំ ស្នាក់នៅភូមិ-ឃុំកើតហេតុខាងលើ បានយកខ្សែអង្រឹងទៅចងកសម្លាប់ខ្លួននៅក្រោយផ្ទះជាប់នឹងដើមខ្នុរ បណ្ដាលឲ្យស្លាប់ភ្លាមៗតែម្តង។

ក្នុងនោះសមត្ថកិច្ចបានបញ្ជាក់ថា មូលហេតុគឺជនរងគ្រោះមានជំងឺប្រចាំកាយមិនចង់រស់នៅឲ្យពិបាកដល់ប្រពន្ធកូនទើបចងកសម្លាប់បែបនេះ៕