Post News Media ព័ត៌មានជាតិ ភ្លើងប្រច័ណ្ឌ...

ភ្លើងប្រច័ណ្ឌ! ចោទប្រពន្ធលួចមានសហាយ ទាញកាំបិតកាប់ក្បាលប្រពន្ធ១កាំបិត ត្រូវសមត្ថកិច្ចឃាត់ខ្លួន

ចែកចាយបន្ត

តាកែវ: ហេតុការណ៍ភ្ញាក់ផ្អើលមួយបានកើតឡើង បន្ទាប់ពីបុរសម្នាក់ បានផ្ទុះហិង្សាទាញកាំបិតកាប់ក្បាលប្រពន្ធ១កាំបិតគ្មានប្រណីដៃ ក្រោយពីខឹងនឹងប្រពន្ធដែលលួចមានសហាយ ត្រូវសមត្ថកិច្ចឃាត់ខ្លួនតែម្តង ចំណែកប្រពន្ធរងរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។

ករណីហិង្សាខាងលើ បានកើតឡើងកាលពីវេលាម៉ោង៧និង៣០នាទី យប់ ថ្ងៃទី១០ ខែកក្កដា ឆ្នាំ២០១៧ ស្ថិតនៅភូមិក្រាំងបន្ទាយ ឃុំសំរោង ស្រុកត្រាំកក់ ខេត្តតាកែវ។

សមត្ថកិច្ចបានឲ្យដឹងថា ប្រពន្ធដែលត្រូវប្តីចាក់បណ្តាលឲ្យរបួសខាងលើនេះមានឈ្មោះ អ៊ូក ចាន់ ភេទស្រី អាយុ២២ឆ្នាំស្នាក់នៅភូមិ ឃុំ កើតហេតុខាងលើ។ ចំណែកជនដៃដល់ជាប្តីមានឈ្មោះ ជុន សុខុន ភេទប្រុស អាយុ៣៣ឆ្នាំ ស្នាក់នៅជាមួយគ្នា ហើយនៅមុនពេលកើតហេតុ ជនដៃដល់ជាប្តីបានផឹកស្រាស្រវឹង និងបានរករឿងប្រពន្ធថា លួចមានសហាយ ទើបកើតជាទំនាស់ពាក្យសម្តីគ្នារហូតជនដៃដល់ជាប្តីផ្ទុះហិង្សាទាញកាំបិតកាប់ក្បាលប្រពន្ធ បណ្តាលឲ្យរបួសធ្ងន់តែម្តង៕