Post News Media ព័ត៌មានជាតិ កម្មករកម្មការ...

កម្មករកម្មការិនី៤៧នាក់ដួលសន្លប់បន្តបន្ទាប់គ្នា នៅរោងចក្រកាត់ដេរសម្លៀកបំពាក់ ឃ្វៃយ៉ាង!

ចែកចាយបន្ត

កណ្តាល: កម្មកររោងចក្រកាត់ដេរសម្លៀកបំពាក់មួយកន្លែងបានដួលសន្លប់តៗគ្នាជាបន្តបន្ទាប់រហូតដល់៤៧នាក់។

ហេតុការណ៍នេះកើតឡើងនៅថ្ងៃទី១១ ខែកក្កដា ឆ្នាំ២០១៧ នៅក្នុងរោងចក្រកាត់ដេរសម្លៀកបំពាក់ ឃ្វៃយ៉ាង ស្ថិតនៅភូមិទន្លាប់ខ្ពស់ខាងត្បូង ឃុំដំណាក់អំពិល ស្រុកអង្គស្នួល ខេត្តកណ្តាល។

ប្រភពព័ត៌មានបានឲ្យដឹងថា មានកម្មករដួលសន្លប់ ដែលផ្តើមចេញពីកម្មការិនីម្នាក់ឈ្មោះ ប៉ាត គន្ធា ភេទស្រី (ដែលមានជំងឺស្រាប់ផង) មានអាការ:មិនសូវស្រួលខ្លួន ហើយទន់ដៃទន់ជើងសន្លប់តែម្តង បន្ទាប់មកមានកម្មករម្នាក់ទៀតក៏បានសន្លប់ផងដែរ។

ប្រភពព័ត៌មានដដែលបានឲ្យដឹងទៀតថា ខណ:ពេលនោះខាងតំណាងរោងចក្រក៏បាននាំនារីរងគ្រោះទៅបន្ទប់ពេទ្យក្នុងរោងចក្រ ដោយមានការចេញទៅមើលក្នុងបន្ទប់ពេទ្យ ហើយមានការភ្ញាក់ផ្អើលនិយាយតៗគ្នា បន្ទាប់មកក៏មានការស្លុតស្មារតីមានអាការ:វិលមុខ ថប់ដង្ហើម ណែនទ្រូងរួចសន្លប់ បន្ទាប់មកក៏មានកម្មករផ្សេងៗទៀតក៏សន្លប់បន្តរបន្ទាប់សរុបចំនួន៤៧នាក់(ស្រីទាំងអស់)។

បច្ចុប្បន្នសម្រាកនៅសម្ភពថ្នល់ទទឹង៣៤នាក់ សម្រាកនៅមណ្ឌលសុខភាពដំណាក់អំពិល៤នាក់ និងសម្រាកព្យាបាលនៅគ្លីនិកសុខាបែកចានចំនួន១០នាក់៕