Post News Media ព័ត៌មានជាតិ បើករថយន្តសុខៗ...

បើករថយន្តសុខៗមិនដឹងយ៉ាងម៉េច ឆ្លងចរន្តឆេះផ្អើលដល់សមត្ថកិច្ច

ចែកចាយបន្ត

ភ្នំពេញ: បុរសម្នាក់បានបើករថយន្តរបស់សាលា លីសាប៊ែល ដែលទើបនិងបើកថ្មី បានឆ្លងចរន្តអគ្គិសនីឆេះហ៊ុយផ្សែងនៅគល់ស្ពានអាកាស៥មករា ខាងមុខសាកលវិទ្យាល័យតិចណូ ស្ថិតនៅផ្លូវសហព័ន្ធរុស្ស៊ី សង្កាត់ទឹកល្អក់១ ខណ្ឌទួលគោក រាជធានីភ្នំពេញ ហេតុការណ៍ឆ្លងចរន្តឆេះរថយន្តបន្តិចបន្តួចហើយបង្កការភ្ញាក់ផ្អើលនេះបានកើតឡើងកាលពីវេលាម៉ោង១១និង៣០នាទីព្រឹក ថ្ងៃទី១២ ខែកក្កដា ឆ្នាំ២០១៧ ។

បើតាមប្រភពព័ត៌មានឲ្យដឹងថា មុនពេលកើតហេតុ តៃកុងរថយន្តបានប្រាប់ឲ្យដឹងថា គាត់បានបើករថយន្តរបស់សាលា លីសាប៊ែលដែលមានអាស័យដ្ឋាននៅផ្លូវ២៨៧ បឹងកក់១ ខណ្ឌទួលគោក រាជធានីភ្នំពេញ ម៉ាកសាំយ៉ុង ពណ៌ស ស្លាកលេខ ភ្នំពេញ2AP-2480 ពីសាលានៅម្តុំទួលគោកទៅផ្លូវ២០០៤ មកដល់ចំណុចកើតហេតុស្រាប់តែរថយន្តបានហ៊ុយផ្សែងចេញពីខាងមុខរថយន្ត ។ បន្ទាប់មកគាត់ជាតៃកុងឡានបានកាច់សោពន្លត់ម៉ាស៊ីន តែនៅមានផ្សែង ក៏ត្រូវនរគបាលម្នាក់យកបំពង់ពន្លត់អគ្គិភ័យមកជួយបាញ់ពន្លត់អស់១បំពង់ទើបរលត់ទៅវិញ។

ប្រភពបន្តទៀតថា ក្រោយបានពន្លត់ជាស្ថាពររួចហើយមានក្រុមប្រជាការពារសាលាខណ្ឌទួលគោក ជួយរុញរថយន្តយកមកខាងក្នុងសាកលវិទ្យាល័យតិចណូ ដើម្បីសម្រួលចរាចរណ៍ដើម្បីកុំឱ្យមានការកកស្ទះ៕

ចែកចាយបន្ត