Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យម្នាក់ បន្ទាប់ពីធ្វើសកម្មភាពឆក់កាបូបជនបរទេស២នាក់ប្តីប្រពន្ធ បានសម្រេច

ចែកចាយបន្ត

ភ្នំពេញ: ភ្នាក់ងារ Post News បានរាយការណ៍មក មុននេះបន្តិច សមត្ថកិច្ចប៉ុស្តិ៍នគរបាលរដ្ឋបាលបឹងកេងកងទី២ ឃាត់ខ្លួនជនសង្ស័យបានម្នាក់ ចំណោមបក្ខពួក២នាក់ បន្ទាប់ពីធ្វើសកម្មភាពឆក់ការបូបពីជនជាតិបរទេស២នាក់ប្តីប្រពន្ធ បានសម្រេច។
ហេតុការណ៍កើតឡើងនៅវេលាម៉ោង១ និង៣០នាទីរសៀល ថ្ងៃទី១២ ខែកក្កដា ឆ្នាំ២០១៧។

ជនសង្ស័យដែលឃាត់ខ្លូនមានឈ្មោះ យឹម សិលា ភេទប្រុស អាយុ១៦ឆ្នាំ ស្នាក់នៅក្នុងសង្កាត់ផ្សារចាស់ ខណ្ឌដូនពេញ និងម្នាក់ទៀតរត់គេចខ្លួនឈ្មោះ ហុង អាយុប្រហែល២០ឆ្នាំ។​​ ក្នុងនោះដកហូត​ បានម៉ូតូ ហុងដា សេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ ភ្នំពេញ1FB-8065 ។

បច្ចុប្បន្ន ជនសង្ស័យត្រូវបានសមត្ថកិ​ច្ចកំពុងកសាងសំណុំរឿង ចាត់ការតាមនីតិវធីច្បាប់។
សូមបញ្ជាក់ថា នៅពេលដែលអ្នកសារព័ត៌មានPost News ចូលយកព័ត៌មាន បែរជាសមត្ថកិច្ចប៉ុស្តិ៍នគរបាលរដ្ឋបាលបឹងកេងកងទី២ មិនឲ្យចូលយកនិងទាញទ្វារបិទទៅវិញ៕