Post News Media ព័ត៌មានជាតិ សមត្ថកិច្ចបង្...

សមត្ថកិច្ចបង្ក្រាបបាន អ្នកជួញដូរគ្រឿងញៀនចំនួន២នាក់

ចែកចាយបន្ត

កណ្តាល: ជនសង្ស័យចំនួន២នាក់ ត្រូវបានកម្លាំងនគរបាលផ្នែកប្រឆាំងគ្រឿងញៀនក្រុងតាខ្មៅ ធ្វើការចាប់ខ្លួនបាន ក្រោយពីរកឃើញថា មានការពាក់ព័ន្ធនឹងករណីជួញដូរគ្រឿងញៀនខុសច្បាប់។

ការបង្ក្រាបនេះបានធ្វើឡើងកាលពីវេលាម៉ោង៥ល្ងាចថ្ងៃទី១២ ខែកក្កដា ឆ្នាំ២០១៧ ស្ថិតនៅចំណុចក្នុងដីឡូត៍ ស្ថិតក្នុងភូមិក្រពើហារកើត សង្កាត់ព្រែកឫស្សី ក្រុងតាខ្មៅ ខេត្តកណ្តាល។

ជនសង្ស័យទាំង២នាក់ ទី១-ឈ្មោះ វណ្ណា វណ្ណដេត ភេទប្រុស អាយុ២២ឆ្នាំ ស្នាក់នៅភូមិក្រពើហារកើត សង្កាត់ព្រែកឫស្សី ក្រុងតាខ្មៅ ខេត្តកណ្តាល មុខរបរមិនពិតប្រាកដ និងទី២-ឈ្មោះ ហៀង វាសនា ភេទប្រុស អាយុ ២៣ ឆ្នាំ ស្នាក់នៅភូមិក្រពើហារកើត សង្កាត់ព្រែកឫស្សី ក្រុងតាខ្មៅ ខេត្តកណ្តាល មុខរបរកម្មករផ្សារដែក។

ក្នុងនោះដកហូតបាន ម្សៅក្រាមពណ៌សថ្លាសង្ស័យសារធាតុញៀន (ម៉ាទឹកកក) ចំនួន៤កញ្ចប់តូច ,លុយរៀលចំនួន ១,៨០០រៀល ,ទូរសព្ទដៃ៣គ្រឿង រួមមានម៉ាក NOKIA ពណ៌ស១គ្រឿង ,ម៉ាក SAMSUNG ពណ៌ស ចំនួន១និងម៉ាក Hiyaចំនួន១ , ដែកកេះ ពណ៌ក្រហម១ ។

មុននឹងឈានដល់ការឃាត់ខ្លួន កម្លាំងផ្នែកប្រឆាំងគ្រឿងញៀនក្រុងតាខ្មៅបានទទួលព័ត៌មានពីប្រជាពលរដ្ឋ នៅជិតកន្លែងកើតហេតុថាមានមនុស្សកំពុងតែជួញដូរថ្នាំញៀននៅក្នុងដីឡូត៍ខាងលើ ពេលដែលបានទទួលព័ត៌មានភ្លាម កម្លាំងផ្នែកប្រឆាំងគ្រឿងញៀន បានសហការជាមួយកម្លាំងប៉ុស្តិ៍ព្រែកឫស្សី បានចុះទៅដល់កន្លែងកើតហេតុក៏បានជួប ជនសង្ស័យទាំង២នាក់ខាងលើ កំពុងតែនៅកន្លែងកើតហេតុ ហើយកម្លាំងក៍បានធ្វើការត្រួតពិនិត្យ ឆែកឆេររកឃើញថ្នាំញៀន៤កញ្ចប់តូច នៅនឹងកន្លែងកើតហេតុទើបឃាត់ខ្លួនពួកគេ នាំមកកាន់អធិការដ្ឋាននគរបាលក្រុងតាខ្មៅ ដើម្បីធ្វើការសាកសួរ និងកសាងសំណុំរឿងតាមនីតិវិធីច្បាប់តែម្តង៕