Post News Media ព័ត៌មានជាតិ គ្រាន់តែរឿងកឹ...

គ្រាន់តែរឿងកឹបសំបុត្រម៉ូតូសោះ! ភ្ញៀវផ្ទុះហិង្សាវាយមេការភោជនីយដ្ឋាននិងKTVរាត្រីសេកុង២ រួចរត់ចោលម៉ូតូ!!

ចែកចាយបន្ត

ភ្នំពេញ: ភ្នាក់ងារPost News បានរាយការណ៍មកថា មានករណីវាយតប់គ្នាជមួយមេកា រឿងកឹបសំបុត្រម៉ូតូ ហើយរត់គេចខ្លួន ទុកម៉ូតូនៅក្នុងភោជនីយដ្ឋាននិងKTV រាត្រីសេកុង២ បង្កការភ្ញាក់ផ្អើលទាំងយប់។

ហេតុការណ៍ភ្ញាក់ផ្អើលបានកើតឡើងនៅវេលាម៉ោង១២ និង៣០នាទីយប់ រំលងអធ្រាត្រ ឈានចូលថ្ងៃទី១៣ ខែកក្កដា ឆ្នាំ២០១៧ នៅតាមបណ្តោយផ្លូវ២០០៤ សង្កាត់ចោមចៅ ខណ្ឌពោធិ៍សែនជ័យ។

ប្រភពព័ត៌មានពីកន្លែងកើតហេតុ បានឲ្យដឹងថា​ មុនពេលកើតហេតុ គេបានឃើញជនបង្កចូលផឹកស៊ីនៅក្នុងភោជនីយដ្ឋាននិងKTV រាត្រីសេកុង២ ខាងលើ ក្រោយពីផឹកស៊ីរួចក៏បានចេញមកវិញ យកម៉ូតូហើយក្លាយជាទំនាស់ជាមួយមេកាវាយតប់គ្នា ហើយជនបង្ករត់គេចខ្លួនបន្សល់ទុកម៉ូតូ ពាក់ស្លាកលេខ ភ្នំពេញ1D-0066។

ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ និងបាននាំយកម៉ូតូខាងលើមករក្សាទុកនៅប៉ុស្តិ៍នគរបាលរដ្ឋបាលខណ្ឌពោធិ៍សែនជ័យ។ ក៏មានការផ្សាយផ្ទាល់នៅលើផេក Post News Media ផងដែរ៕