Post News Media ព័ត៌មានជាតិ រថយន្តម៉ាក Ma...

រថយន្តម៉ាក Mazada ស្លាកលេខ ភ្នំពេញ 2AE-1687 បុកម៉ូតូ១ គ្រឿង បើករត់គេចខ្លួនបាត់ របួសធ្ងន់ស្រាល ០២នាក់

ចែកចាយបន្ត

កំពង់ស្ពឺ: លោក តាប់ លន ស្នងការរងនគរបាលខេត្តកំពង់ស្ពឺ ទទួលផែនចរាចរណ៍ បានប្រាប់ Post News ថា នៅវេលាម៉ោង ១១ និង៥២នាទីថ្ងៃទី១៦ ខែកក្កដានេះ មានករណីគ្រោះថ្នាក់ចរាចរណ៍ បង្កដោយរថយន្ដ និងម៉ូតូ នៅលើផ្លូវជាតិលេខ៤ ចន្លោះគីទ្បូម៉ែត្រ ៤៥-៤៦ ស្ថិតនៅភូមិមុខខេត្ត សង្កាត់រការធំ ក្រុងច្បារមន ខេត្តកំពង់ស្ពឺ។

រថយន្តបង្កម៉ាកម៉ាសស្ដា ពណ៌ទឹកមាស ពាក់ស្លាកលេខ ភ្នំពេញ 2AE-1687 បើកបរពីទិសខាង កើតទៅទិសខាងលិច រួចបត់ឆ្លងផ្លូវពីត្បូងទៅជើង មកដល់ចំណុច ដូចខាងលើក៏ទៅបុក ម៉ូតូមួយគ្រឿងម៉ាកហុងដា C110 ពណ៌ព្រីងទុំ គ្មានស្កាកលេខ អ្នកបើកបរឈ្មោះម៉ម ធា ភេទប្រុស អាយុ ៣០ឆ្នាំ (របួសធ្ងន់) រស់នៅភូមិព្រៃសំពោង ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ ឌុបមនុស្សម្នាក់នៅពីក្រោយ ឈ្មោះ អៃ ឌី ភេទប្រុស អាយុ ២៥ឆ្នាំ (របួសស្រាល) រស់នៅភូមិជាមួយគ្នា ដែលបើកបរក្នុងទិសដៅពីលិចទៅកើត ។

វត្ថុតាងម៉ូតូ ត្រូវបានសមត្ថកិច្ចមកមករក្សាទុកការិយាល័យចរាចរណ៍ខេត្ត ចំណែករថយន្ដ បានបើកគេចខ្លួនបាត់ កម្លាំងជំនាញកំពុងស្រាវជ្រាវបន្ត៕