Post News Media ព័ត៌មានជាតិ ជនសង្ស័យម្នាក...

ជនសង្ស័យម្នាក់ត្រូវបានសមត្ថកិច្ចឃាត់ខ្លួន ពាក់ព័ន្ធករណីគ្រឿងញៀន!

ចែកចាយបន្ត

ភ្នំពេញ: កម្លាំងអន្តរាគមន៍នៃអធិការដ្ឋាននគរបាលខណ្ឌពោធិ៍សែនជ័យបានធ្វើការចុះបង្ក្រាបករណីគ្រឿងញៀនឃាត់ខ្លួនជនសង្ស័យម្នាក់រួមទាំងថ្នាំញៀន៣កញ្ចប់។

ប្រតិបត្តិការនេះបានធ្វើឡើងនៅវេលាម៉ោង១១និង៣០នាទី ថ្ងៃទី១៧ ខែកក្កដា ឆ្នាំ២០១៧ ត្រង់ចំណុចផ្លូវវេងស្រេង ជិតក្លឹប ហ្វាន់ ភូមិចោមចៅសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

ប្រភពព័ត៌មានបានឲ្យដឹងថា ជនសង្ស័យមានឈ្មោះ ហ៊ួរ ហ៊ីម ភេទប្រុស អាយុ២១ឆ្នាំ មុខរបរបើកបរ មានស្រុកកំណើតភូមិអណ្តូងស្វាយ ឃុំដូងក្តា ស្រុកស្ទឹងត្រង់ ខេត្តកំពង់ចាម។
វត្ថុតាងដកហូតយករួមមាន ម្សៅក្រាមពណ៌សថ្លាសង្ស័យជាសារធាតុញៀនចំនួន៣កញ្ចប់ថង់តូច។

ប្រភពដដែលបានបន្តថា មុនពេលប្រតិបត្តិការឃាត់ខ្លួនជនសង្ស័យខាងលើ កម្លាំងសមត្ថកិច្ចអន្តរាគមន៍នៃអធិការដ្ឋាននគរបាលខណ្ឌពោធិ៍សែនជ័យបានជិះម៉ូតូល្បាត
ក្នុងភូមិស្រាស្ត ដើម្បីទប់ស្កាត់បទល្មើសកុំឲ្យកើតមានឡើង។ លុះដល់កន្លែងកើតហេតុ ក៏បានឃើញជនសង្ស័យខាងលើកំពុងឈរតាមផ្លូវ ដោយមានការសង្ស័យកម្លាំងបានហៅឲ្យឈប់ដើម្បីសាកសួរ តែជនបានដើរចេញពីសមត្ថកិច្ចរួចបោះថ្នាំចោលទៅលើដី ក្បែរតូបលក់ចាប់ហ៊ួយ តែត្រូវកម្លាំងសមត្ថកិច្ចយើងបានឃើញទាន់ រកឃើញក្រាមពណ៌សថ្លាចំនួន៣កញ្ចប់ថង់តូចនៅលើដី។

បន្ទាប់មកម្លាំងសមត្ថកិច្ចបានធ្វើការឃាត់ខ្លួនជនសង្ស័យរួមជាមួយវត្ថុតាងនាំមកកាន់ផ្នែកជំនាញដើម្បីសាកសួរតែម្តង។

បច្ចុប្បន្នជនសង្ស័យចាងលើរួមទាំងវត្ថុតាង ត្រូវបានបញ្ចូនមកសាកសួរនិងឃុំខ្លួនបណ្តោះអាសន្ននៅផ្នែកជំនាញនៃអធិការដ្ឋាននគរបាលខណ្ឌពោធិ៍សែនជ័យដើម្បីបន្តចាត់ការតាមនីតិវិធីច្បាប់៕