Post News Media ព័ត៌មានជាតិ ចេញពីផឹកស៊ីក្...

ចេញពីផឹកស៊ីក្នុងក្លឹបផ្លូឡាញ! បង្កជាហិង្សាត្រូវសមត្ថកិច្ចឃាត់ខ្លួន

ចែកចាយបន្ត

ភ្នំពេញ: ករណីហិង្សាមួយដែលបង្កឲ្យមានការភ្ញាក់ផ្អើលដោយយុវជន៣នាក់ ផឹកស៊ីនៅក្នុងក្លឹបផ្លូឡាញ ហើយត្រូវបានកម្លាំងសមត្ថកិច្ចល្បាតខណ្ឌចំការមន ឃាត់ខ្លួនបានភ្លាមៗផងដែរ។

ហេតុការណ៍កើតឡើងនៅវេលាម៉ោង១និង៤៥នាទីយប់ រំលងអធ្រាតឈានចូលថ្ងៃទី២ ខែតុលា ឆ្នាំ២០១៧ ស្ថិតនៅក្នុងសង្កាត់ផ្សារដើមថ្កូវ ខណ្ឌចំការមន។

បើយោងតាមប្រភពព័ត៌មានពីយុវជនទាំង៣នាក់ បានឲ្យដឹងថា ពួកគេចូលផឹកស៊ីនិងរាំលេងនៅក្នុងក្លឹបខាងលើ លុះដល់ម៉ោងកើតហេតុ ពួកគេចេញពីក្លឹម ជិះម៉ូតូមកដល់ជិតរង្វង់មូលផ្សារដើមថ្កូវ ក៏ស្រាប់តែមានជនបង្ក១ក្រុមជិះម៉ូតូ២គ្រឿងមកជិតបង្កជាជម្លោះ ហើយភ្លាមៗនោះក៏ត្រូវសមត្ថកិច្ចឃាត់ខ្លួនបានតែម្ដង។

ក្រោយពេលកើតហេតុ យុវជនទាំង៣នាក់និងម៉ូតូ កម្លាំងសមត្ថកិច្ចនាំទៅកាន់ អធិការខណ្ឌចំការមនដើម្បីធ្វើការសាកសួរផងដែរ៕