Post News Media ព័ត៌មានជាតិ មានវីដេអូ៖ ស្...

មានវីដេអូ៖ ស្គាល់អត្តសញ្ញាណអ្នកបើករថយន្តបុករះមនុស្ស៥នាក់ហើយ!

ចែកចាយបន្ត

កំពត: ក្រោយពីមានហេតុការណ៍រថយន្តបុករះមនុស្ស៥នាក់ ក្នុងហាងបាយ កាលពីម្សិលមិញនេះ ពុំទាន់ឃើញមានវត្តមានអ្នកបើកបរ ចេញមុខមកដោះស្រាយចំពោះមុខច្បាប់នៅឡើយទេ។

បើទោះជាយ៉ាងនេះក៏ដោយ ប្រភពពីអធិការរងសណ្តាប់ធ្នាប់ក្រុងកំពត លោកអនុសេនីយ៍ឯក ឆែម ហាក់ បានមានប្រសាសថា អ្នកបើកបរដែលបានបង្កគ្រោះថ្នាក់ដល់មនុស្សជាច្រើននាក់នោះ ត្រូវបាននគរបាលរកឃើញថា មានឈ្មោះ សុខ វឿន ភេទប្រុស អាយុ៤២ ឆ្នាំ ជាអ្នកចែកចាយជីកសិកម្ម រស់នៅភូមិសត្វពង ឃុំសត្វពង ស្រុកឈូក ខេត្តកំពត។ លោកអធិការរងបន្តថា ម្ចាស់រថយន្តទើបតែទិញរថយន្តនេះបានមួយថ្ងៃ ហើយថ្ងៃកើតហេតុ ជាថ្ងៃដែលម្ចាស់យករថយន្តមកកាត់ប្តូរឈ្មោះនៅមន្ទីរសាធារណះការនិងដឹកជញ្ជូនខេត្តកំពត។

សូមបញ្ជាក់ថា ក្រោយពីរថយន្តបើកចេញពីមន្ទីរខាងលើភ្លាម គឺស្ទុះសំដៅទៅរកមនុស្សដែលកំពុងអង្គុយពិសារបាយនៅក្នុងហាងតែម្តង ដែលបង្កឲ្យភ្ញៀវក្នុងហាងផ្អើលរត់ជាន់គ្នា និងបានបង្កឲ្យមនុស្សចំនួន៥នាក់ រងរបួសធ្ងន់ រហូតមានអ្នកពិការថែមទៀតផង បច្ចុប្បន្នពួកគាត់កំពុងសម្រាកព្យាបាលនៅមន្ទីរខេត្តចំនួន៣រូប និងនៅក្រុងភ្នំពេញចំនួន២រូប។

រថយន្តដែលបង្កគ្រោះថ្នាក់ដល់មនុស្សនិងបំផ្លាញសម្ភារ:យ៉ាងធ្ងន់ធ្ងរនេះ គឺមានម៉ាកNISAN ស្លាកលេខកំពង់ចាម 2A 6618 និងមានបិទផ្លាកធានារ៉ាប់រងFORTE និង សេះសមុទ្រ៣ ក្រោយហេតុការណ៍ភ្លាម អ្នកបើកបរមិនបាននៅជួយជនរងគ្រោះទេ គឺព្យាយាមរត់គេចខ្លួនតែម្តង៕