Post News Media ព័ត៌មានជាតិ iPhone ជួយជីវ...

iPhone ជួយជីវិតស្ត្រីម្នាក់ពីគ្រាប់កាំភ្លើងក្នុងការបាញ់រះដ៏ប្រល័យនៅ Las Vegas ថ្ងៃអាទិត្យ

ចែកចាយបន្ត

អាមេរិក: ស្ត្រីម្នាក់ដែលឋិតក្នុងចំណោមហ្វូនមនុស្សរាប់ម៉ឺននាក់កំពុងទស្សនាការប្រគំតន្រ្តី​ហាលវាលមួយ នាទីក្រុង Las Vegas មានសំណាងខ្ពស់ បានរួចរស់មានជីវិតពីគ្រាប់​កាំភ្លើងក្នុងព្រឹត្តិការណ៍បាញ់រះដ៏សម្លាប់រង្គាលមួយ កាលពីយប់ថ្ងៃអាទិត្យ ដោយសារទូរសព្ទ iPhone ពណ៌ផ្កាឈូករបស់នាង។

តាមរូបថតទូរសព្ទដ៏មានពេញនិយម និងដ៏មានតម្លៃបង្ហាញថា ផ្នែកខ្នងរបស់វាត្រូវរងការខូចខាតទាំងស្រុងដោយសារកម្លាំងបុកទម្លុះរបស់គ្រាប់កាំភ្លើងមួយគ្រាប់។
នៅក្នុងហេតុការនោះ គេមិនច្បាស់ថា តើស្ត្រីម្នាក់នោះទុកដាក់ទូរសព្ទរបស់នាងនៅកន្លែងណា ឬដោយរបៀបណានោះទេ ខណ:កំពុងរត់គេចចេញពីការបាញ់ប្រហារ​ដ៏ប្រល័យបំផុតនៅក្នុងប្រវត្តិសាស្រ្តអាមេរិក នាយប់នោះ។

គួររំឭកថា នៅយប់ថ្ងៃអាទិត្យសប្តាហ៍មុននេះ មានខ្មាន់កាំភ្លើងវ័យ ៦៤ ឆ្នាំម្នាក់ឈ្មោះ Stephen Paddock បានបើកការបាញ់ស្រោចទៅលើហ្វូនមនុស្សចំនួន ២២,០០០ នាក់ ដែលកំពុងទស្សនាការប្រគំតន្រ្តីមួយ ពីលើអគារជាន់ទី ៣២ នៃសណ្ឋាគារ និងកាសីណូ Mandalay Bay នាទីក្រុង Las Vegas សហរដ្ឋអាមេរិក ដែលបណ្តាលឱ្យមនុស្ស ៥៩ នាក់ ស្លាប់ និងរបួស​ ៥២៧ នាក់ មុនពេលរូបគេបាញ់សម្លាប់ខ្លួនឯង៕

ប្រភពព័ត៌មាន: dailymail