Post News Media ព័ត៌មានជាតិ ​ឃាត់ខ្លួនសិស...

​ឃាត់ខ្លួនសិស្សវិទ្យាល័យផ្សារដើមថ្កូវ​២នាក់ ក្រោយធ្វើសកម្មភាពឆក់ទូរសព្ទម៉ាក «ស៊ីនតិច»មួយគ្រឿងពីនារីម្នាក់

ចែកចាយបន្ត

ភ្នំពេញ: យុវសិស្សវិទ្យាល័យផ្សារដើមថ្កូវជាជនសង្ស័យចំនួន ២នាក់ ត្រូវបានកម្លាំងនគរបាលខណ្ឌចំការមនចាប់ឃាត់ខ្លួន ក្រោយពីពួកគេបាននាំគ្នាធ្វើសកម្មភាពឆក់ទូរសព្ទម៉ាក«ស៊ីនតិច» មួយគ្រឿងពីនារីរងគ្រោះម្នាក់នៅម្តុំសាលាវិទ្យាល័យបឹងកេងកងរួចមក។

ការចាប់ឃាត់ខ្លួននេះដែរបានធ្វើឡើងកាលពីវេលាម៉ោង ១០ និង ៣០នាទីព្រឹក ថ្ងៃទី ៥ ខែ តុលា ឆ្នាំ ២០១៧ នៅតាមបណ្តោយផ្លូវលេខ ៤៣០ ក្នុងសង្កាត់ទួលទំពូងទី២ ខណ្ឌចំការមន រាជធានីភ្នំពេញ។
តាមប្រភពព័ត៌មានពីមន្ត្រីននគរបាលម្នាក់បានប្រាប់ឱ្យដឹងថា ជនសង្ស័យទាំង ២នាក់ដែលបានឃាត់ខ្លួនមានទី១-ឈ្មោះ ឈិន ចាន់មករា ភេទប្រុស អាយុ ១៦ឆ្នាំ សិស្សថ្នាក់ទី ១០ សាលាវិទ្យាល័យផ្សារដើមថ្កូវ មានទីលំនៅក្នុងសង្កាត់បឹងទំពុន ខណ្ឌមានជ័យ និងទិ២-ឈ្មោះ ជ័រ វណ្ណារ៉ា ភេទប្រុស អាយុ ១៦ឆ្នាំ មុខរបរសិស្សថ្នាក់ទី ១០ សាលាវិទ្យាល័យផ្សារដើមថ្កូវ មានទៅលំនៅក្នុងសង្កាត់បឹងទំពុន ខណ្ឌមានជ័យ។មុនពេលកើតហេតុ នារីរងគ្រោះម្នាក់ជិះម៉ូតូមួយគ្រឿង ដោយនិយាយទូរសព្ទបណ្តើរនៅម្តុំសាលាវិទ្យាល័យបឹងកេងកងក៏ស្រាប់តែជនសង្ស័យទាំង២នាក់បាននាំគ្នាជិះម៉ូតូម៉ាកហុងដា សេ១២៥ ពណ៌ខ្មៅ ស៊េរីឆ្នាំ ២០១៧ ពាក់ស្លាកលេខ ភ្នំពេញ1GK-7153​ មួយគ្រឿងមកធ្វើសកម្មភាពឆក់យកបានហើយព្យាយាមនាំគ្នាជិះរត់ក៏ត្រូវបានកម្លាំងល្បាតធ្វើការដេញចាប់បានតែម្តង។

ក្រោយពេលកើតហេតុ ក្រុមជនសង្ស័យទាំង ២នាក់ ត្រូវបាននាំខ្លួនយកទៅធ្វើការសាកសួរនៅអធិការដ្ឋាននគរបាលខណ្ឌចំការមនដើម្បិចាត់ការទៅតាម្លូវច្បាប់ និងកំពុងតែធ្វើការស្រាវជ្រាវរកនារីរងគ្រោះឲ្យមកទទួលយកទូរសព្ទដៃមួយគ្រឿងនោះយកទៅវិញផងដែរ៕

ហើយក៏មានការផ្សាយផ្ទាល់នៅលើផេក Post News Media ផងដែរ៕