Post News Media ព័ត៌មានជាតិ មិនធម្មតាទេ! ...

មិនធម្មតាទេ! យុវជនម្នាក់ហ៊ាន​​វាយ​សមត្ថកិច្ច នៅពេលដែលសមត្ថកិច្ចកំពុងត្រួតពិនិត្យ

ចែកចាយបន្ត

ភ្នំពេញ: យុវជនឈាមរាវម្នាក់ បានប្រើអំពើហិង្សាវាយតប់ទៅលើកម្លាំងសមត្ថកិច្ច បណ្តាលឲ្យរបួស ហើយត្រូវសមត្ថកិច្ចឃាត់ខ្លួន ខណ:ដែលសមត្ថកិច្ចបានហៅដែលកំពុងដើរឲ្យឈប់ដើម្បីត្រួតពិនិត្យ។

ហេតុការណ៍បានបង្កឲ្យមានការភ្ញាក់ផ្អើលកាលពីវេលាម៉ោង៣ និង៣០នាទីយប់ រំលងអធ្រាត្រ ឈានចូលថ្ងៃទី៥ ខែតុលា ឆ្នាំ២០១៧ នៅក្នុងសង្កាត់
គោកឃ្លាង ខណ្ឌសែនសុខ រាជធានីភ្នំពេញ។

លោក ដួង វណ្ណ: នាយប៉ុស្តិ៍នគរបាលសង្កាត់គោកឃ្លាង បានឲ្យបញ្ជាក់ឲ្យដឹងថា ជនសង្ស័យមានឈ្មោះ ឡាច សុភស្ស អាយុ២៦ឆ្នាំ ស្នាក់នៅក្នុងភូមិដំណាក់ សង្កាត់គោកឃ្លាង ឃាត់ខ្លួនពីបទប្រើអំពើហិង្សាវាយទៅលើកងកម្លាំងសមត្ថកិច្ច បណ្តាលឲ្យមានរបួស ខណ:ដែលគាត់កំពុងតែធ្វើដំណើរតាមផ្លូវថ្មើរជើង ហើយដោយមានការសង្ស័យសមត្ថកិច្ចក៏បានហៅឲ្យឈប់ដើម្បីត្រូតពិនិត្យ។

ចំណែកលោក ដេត ឧត្តម មន្ត្រីនគរបាលខណ្ឌសែនសុខ បានបញ្ជាក់ឲ្យដឹងដែលថា គាត់ត្រូវបានជនសង្ស័យខាងលើវាយចំមុខនិងគប់ដោយដំបងឈើជ្រុង ខណ:ដែលលោកកំពុងតែយាមល្បាតក្នុងមូលដ្ឋានបានប្រទះឃើញជននេះគួរឲ្យសង្ស័យថា ជាជនមិនល្អដើររំលងអធ្រាត្រដូច្នេះ និងឃាត់គាត់ដើម្បីធ្វើការត្រួតពិនិត្យក្រែងមានរក្សាទុកនូវវត្ថុល្មើសច្បាប់ផ្សេងៗ។ ភ្លាមនោះគាត់និងមិត្តរួមការងារបានចាត់ការឃាត់ខ្លួនជននេះតែម្តងយកទៅប្រគល់ឲ្យមន្ត្រីជំនាញសួរនាំចាត់ការតាមច្បាប់និងកសាងសំណុំរឿងបញ្ជូនទៅតុលាកាចាត់ការបន្តតាមនិតិវិធីច្បាប់៕