Post News Media ព័ត៌មានជាតិ ចាប់បានជនសង្ស...

ចាប់បានជនសង្ស័យម្នាក់ ក្នុងចំណោមបក្ខពួក៤នាក់ បន្ទាប់ពីធ្វើសកម្មភាពកាច់កម៉ូតូប្រជាពលរដ្ឋ

ចែកចាយបន្ត

ភ្នំពេញ: ជនសង្ស័យម្នាក់ ត្រូវបានប្រជាពលរដ្ឋ និងសមត្ថកិច្ចដេញចាប់បាន ខណ:បក្ខពួក៣នាក់ទៀត ក្នុងនោះមានស្រីម្នាក់រត់គេចខ្លួនបាត់ បន្ទាប់ពីធ្វើសកម្មភាពកាច់សោកម៉ូតូស្កុបពីមួយគ្រឿង នៅក្នុងភូមិព្រៃសាលា សង្កាត់កាកាប ខណ្ឌពោធិ៍សែនជ័យ។ ហើយរត់មកចាប់បាន នៅក្នុងភូមិកាកាប សង្កាត់កាកាប២ ខណ្ឌពោធិ៍សែនជ័យ កាលពីវេលាម៉ោង១០និង៣៥នាទីព្រឹក ថ្ងៃទី៥ ខែតុលា ឆ្នាំ២០១៧ ។

សមត្ថកិច្ចបានឲ្យដឹងថា ជនសង្ស័យឈ្មោះ វណ្ណនី បញ្ញា ភេទប្រុស អាយុ២៥ឆ្នាំ មុខរបរ មិនពិតប្រាកដ មានទីលំនៅផ្ទះលេខ១១៩ ផ្លូវលំ ភូមិបន្លាស្អិត សង្កាត់ឃ្មួញ ខណ្ឌសែនសុខ។ ចំណែកជនរងគ្រោះមានឈ្មោះ ឃុត ថង ភេទស្រី អាយុ៣១ឆ្នាំ មានទីលំនៅភូមិព្រៃសាលា សង្កាត់កាកាប ខណ្ឌពោធិ៍សែនជ័យ មានស្រុកកំណើតភូមិបពល ឃុំព្រៃរំដេង ស្រុកគិរីវង់ ខេត្តតាកែវ។ ដោយឡែកម៉ូតូ ដែលជនសង្ស័យលួច ម៉ាក ស្កុបពី ពណ៌ស ពាក់ស្លាកលេខ ភ្នំពេញ 1CF-7937 ដេញចាប់បានមកវិញ។

ក្រោយពីចាប់ខ្លួនបាន រកឃើញឧបករណ៍សម្រាប់កាច់សោម៉ូតូ នៅនឹងខ្លួនជនសង្ស័យ រួចនាំទៅសាកសួរនៅប៉ុស្តិ៍នគរបាលកាកាប ដើម្បីកសាងសំណុំរឿងបញ្ជូនទៅផ្នែកជំនាញអធិការដ្ឋានចាត់ការ និងស្រាវជ្រាវតាមបក្ខពួកកំពុងរត់គេចខ្លួន៕