Post News Media ព័ត៌មានជាតិ ចេញឆក់លើកទី១ ...

ចេញឆក់លើកទី១ ត្រូវសមត្ថកិច្ចក្របួចជាប់!…

ចែកចាយបន្ត

ភ្នំពេញ: ជនសង្ស័យ៤នាក់បានជិះម៉ូតូ២គ្រឿង ធ្វើសកម្មភាពឆក់កាបូបពីប្តីប្រពន្ធ២នាក់មិនបានសម្រេច ត្រូវម្ចាស់គេឃើញទាន់ស្រែកថាចោរៗត្រូវបានប្រជាពលរដ្ឋនិងសន្តិសុខយាមនៅបុរីចាប់បានម្នាក់និងម៉ូតូមួយគ្រឿង ចំណែកបក្ខពួក៣នាក់បានជិះម៉ូតូមួយគ្រឿងទៀតគេចខ្លួនបាត់ស្រមោល។

ហេតុការណ៍នេះបង្កឲ្យមានភ្ញាក់ផ្អើលកើតឡើងកាលពីវេលាម៉ោង៨និង២០នាទីយប់ថ្ងៃទី៦ ខែតុលា ឆ្នាំ២០១៧ស្ថិតនៅតាមផ្លូវលេខ២៥៧ ខាងមុខរតន:ម៉ាត ស្ថិតក្នុងសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។

ជនសង្ស័យមានឈ្មោះ ហេង មករា ភេទប្រុស អាយុ១៨ មុខរបរធ្វើការជាបុគ្គលិកទឹកបរិសុទ្ធ ស្នាក់នៅ ក្រោយសាលាជាសុីមសាមគ្គី ក្នុងសង្កាត់បឹងសាឡាង ខណ្ឌទួលគោក ហើយជនសង្ស័យបានសារភាពថា រូបគេទើបនិងចេញធ្វើសកម្មភាពឆក់ជាលើកទី១ ដើម្បីបានលុយយកទៅព្យាបាលម្តាយឈឺនៅផ្ទះ។

តាមការៀបរាប់រពីជនរងគ្រោះបានប្រាប់ឲ្យដឹងថា មុនពេលកើតហេតុរូបគាត់ទាំង២នាក់បានជិះម៉ូតូមួយគ្រឿងម៉ាកស្មាក់រេវ៉ូ ពណ៌ខ្មៅ ពាក់ស្លាកលេខ ភ្នំពេញ 1AM-3413 បានជិះចេញពីផ្ទះនៅម្តុំផ្សារអូឬស្សី គោលបំណងមកលេងផ្ទះម្តាយក្មេកនៅម្តុំផ្សារសំណង់១២ បានជិះពីកើតមកលិចលុះមកដល់ចំណុចកើតហេតុខាងលើផ្លូវ២៥៧ បានលេចមុខជនសង្ស័យ៤នាក់ជិះម៉ូតូ២គ្រឿង១គ្រឿងម៉ាកនិច ពណ៌ផ្កាឈូក លាយខ្មៅ ពាក់ស្លាកលេខ ភ្នំពេញ 1GD-9707 ជិះគ្នា២នាក់ និងមួយគ្រឿងទៀតម៉ាកឌ្រីមសង់ជិះគ្នា២នាក់ ដែលមិនចាំស្លាកលេខ បានជិះមកពីក្រោយបានធ្វើសកម្មភាពឆក់កាបូបដែលរូបគាត់ដាក់នៅខាងមុខបានសម្រេចត្រូវបានជនរងគ្រោះភ្ញាក់បានស្រែកថាចោរៗត្រូវបានប្រពលរដ្ឋរស់នៅម្តុំកើតហេតុខាងលើនិងសន្តិសុខយាមនៅបុរីបានទាញបារ៉ាស់រុញដាក់ពីមុខធ្វើឲ្យជនសង្ស័យ២នាក់ ក្នុងចំណោម៤នាក់បានជិះទៅបុកបារាស់បណ្តាលឲ្យដួលភ្លាមៗនោះត្រូវប្រជាពលរដ្ឋចាប់បានម្នាក់និងដកហូតបានម៉ូតូមួយគ្រឿងប្រគល់ជូនសមត្ថកិច្ចផងដែរ។ ចំណែកបក្ខពួក៣នាក់ទៀតបានឡើងជិះម៉ូតូមួយគ្រឿងទៀតគេចខ្លួនបាត់ស្រមោល។

បច្ចុប្បន្ន ជនសង្ស័យនិងវត្ថុតាងត្រូវបានសមត្ថកិច្ចបញ្ជូនខ្លួនមកសួរនាំនៅប៉ុស្តិ៍នគរបាលរដ្ឋបាលសង្កាត់ទឹកល្អក់៣និងបញ្ជូនបន្តទៅអធិការដ្ឋាន នគរបាលខណ្ឌទួលគោគដើម្បីកសាងសំណុំរឿងបញ្ជូនទៅតុលាការចាត់ការតាមនិតិវិធីច្បាប់៕