Post News Media ព័ត៌មានជាតិ ខ្ទើយដៃរហ័ស! ...

ខ្ទើយដៃរហ័ស! ត្រូវសមត្ថកិច្ចឃាត់ខ្លួន ក្រោយធ្វើសកម្មភាពលួចលូកហោប៉ៅយកកាបូបលុយរបស់ជនបរទេស

ចែកចាយបន្ត

ភ្នំពេញ: ហេតុការណ៍បង្កការភ្ញាក់ផ្អើល ក្រោយពីមានភេទទីបីម្នាក់ក្នុងចំណោមបក្ខពួក៤នាក់ ត្រូវជនរងគ្រោះនិងប្រជាពលរដ្ឋដេញចាប់បានប្រគល់ ឲ្យសមត្ថកិច្ច បន្ទាប់ពីពួកគេធ្វើសកម្មភាពលួចលូកហោប៉ៅយកកាបូបលុយរបស់ជនបរទេសម្នាក់ ពេលឈប់ម៉ូតូនិយាយទូរសព្ទនៅផ្លូវវេងស្រេងបានសម្រេចរួចនាំគ្នារត់គេចខ្លួន។

ហេតុការណ៍កើតឡើងនៅវេលាម៉ោង១០និង៣០នាទីយប់ ថ្ងៃទី៥ ខែតុលា ឆ្នាំ២០១៧ នៅតាមបណ្ដោយផ្លូវវេងស្រេង ក្បែរសួនឧស្សាហកម្មវឌ្ឍន: សង្កាត់ ស្ទឹងមានជ័យ ខណ្ឌមានជ័យ ។

សមត្ថកិច្ចបានឲ្យដឹងថា ជនសង្ស័យមានឈ្មោះ អន យឿន អាយុ២៧ឆ្នាំ មុខមិនពិតប្រាកដ ស្នាក់នៅបុរី វ៉ារី ណា សង្កាត់ស្ទឹងមានជ័យ។
ចំណែកជនរងគ្រោះមានឈ្មោះ IGBOELI ODiRA ភេទប្រុស អាយុ៣០ឆ្នាំ មុខរបរ គ្រូបង្រៀន ស្នាក់នៅបុរីចំការដូង។

ក្រោយពេលកើតហេតុ ជនសង្ស័យត្រូវបានសមត្ថកិច្ចនាំខ្លួនមកកាន់ប៉ុស្តិ៍ស្ទឹងមានជ័យ ធ្វើការសាកសួរបន្ត៕