Post News Media ព័ត៌មានជាតិ ទិញថ្នាំញៀនដា...

ទិញថ្នាំញៀនដាក់ក្នុងកាបូបសង្សារខ្លួនយកទៅប្រើប្រាស់ ត្រូវសមត្ថកិច្ចឆែកឃើញជាប់ខ្នោះ!

ចែកចាយបន្ត

ភ្នំពេញ: សមត្ថកិច្ចនគរបាលប៉ុស្តិ៍ស្ទឹងមានជ័យ ឃាត់ខ្លួនជនសង្ស័យប្រុសស្រី៣នាក់ ដែលបានទិញថ្នាំញៀនយកទៅប្រើប្រាស់។

ហេតុការណ៍នេះកើតឡើងកាលពីវេលាម៉ោង១ និង៣៥នាទី យប់រំលងអធ្រាត្រ ឈានចូលថ្ងៃទី៧ ខែតុលា ឆ្នាំ២០១៧ ស្ថិតនៅផ្លូវបេតុង ភូមិថ្មី សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។

លោក ម៉ៅ សាវឿន នាយប៉ុស្តិ៍នគរបាលស្ទឹងមានជ័យ បានឲ្យដឹងថា ជនសង្ស័យខាងលើទី១ឈ្មោះ ផាន់ សុភក្ក្រ័ ភេទប្រុស អាយុ២១ឆ្នាំ មុខរបរ ព្រូឡាន ស្នាក់នៅភូមិភ្នាត សង្កាត់ស្ទឹងមានជ័យ២ ខណ្ឌមានជ័យ, ទី២ឈ្មោះ ជា ខ្លឹម ភេទប្រុស អាយុ២០ឆ្នាំ មុខរបរ កម្មករសំណង់ ស្នាក់នៅជាមួយគ្នាទាំង២នាក់ ជាអ្នកទិញថ្នាំញៀន១កញ្ចប់ថង់តូច យកមកដាក់ក្នុងកាបូបនារីដែលជាសង្សារបស់ខ្លួនមានឈ្មោះ សៀម ស្រីភស្ត័ អាយុ១៩ឆ្នាំ មុខរបរ អ្នករត់តុ ស្នាក់នៅផ្ទះលេខ២៩ ភូមិពងពាយ សង្កាត់ភ្នំពេញថ្មី ខណ្ឌសែនសុខដែលត្រូវសង្សារយកមកដាក់ក្នុងកាបូបស្ពាយរបស់នាង។

សម្ថតកិច្ចបានបន្តទៀតថា ដោយកម្លាំងរបស់លោកបានចេញល្បាតពួនស្ទាក់នៅក្នុងមូលដ្ឋានបានឃើញជនសង្ស័យទាំង៣នាក់ មានការសង្ស័យហៅឲ្យឈប់ហើយបានឆែកនៅក្នុងកាបូបស្រាប់តែឃើញមានថ្នាំញៀន១កញ្ចប់ថង់តូចហើយបានយកមកប៉ុស្តិ៍សាកសួរ។

ចំណែកនារីដែលត្រូវសង្សាបានយកថ្នាំញៀនដាក់ក្នុងកាបូបបានប្រាប់ថាកាលពីវេលាម៉ោងប្រហែល១២យប់ ស្រាប់តែមានសង្សារដែលមានឈ្មោះ ផាន់ សុភ្ក្រ័ បានតេទូរសព្ទមកនាងថាទៅរកញុំអីដល់មួយសន្ទុះក្រោយមកសង្សារនាងបានជិះម៉ូតូ២នាក់ចេញទៅហើយបានយកកាបូបរបស់នាងទៅជាមួយ។ ហើយបានត្រឡប់មកវិញជិះដល់ផ្លូវមុន្នីរ៉េតបានឲ្យកាបូបនាងវិញហើយបានបន្តដំណើរទៅផ្ទះតែមិនទាន់ដល់ផ្ទះផងស្រាប់ តែមានសមត្ថកិច្ចឃាត់បានយកកាបូបនាងឆែកទៅឃើញមានថ្នាំញៀន១កញ្ចប់នៅក្នុងនោះ។

បច្បុន្នជនសង្ស័យទាំង៣នាក់ខាងលើកំពុងតែសាកសួរនិងកសាងសំណុំរឿងបញ្ជូនទៅអធិកាដ្ឋាននគរបាលខណ្ឌមានជ័យចាត់ការតាមច្បាប់៕