Post News Media ព័ត៌មានជាតិ ក្មេងប្រុសអាយ...

ក្មេងប្រុសអាយុ ១៤ ម្នាក់ ត្រូវសមត្ថកិច្ចឃាត់ខ្លួន ពីបទរំលោភ​សេពសន្ថវ:លើកុមារី​អាយុ ៩ ឆ្នាំ

ចែកចាយបន្ត

មណ្ឌលគិរី: កាលពី​ល្ងាច​ថ្ងៃ​ទី​៧ ខែតុលា ឆ្នាំ​២០១៧ មានករណីក្មេង​ប្រុស​វ័យ​ជំទង់​ម្នាក់ ​ត្រូវ​បាន​នគរបាល​ស្រុក​កែវ​សីមា ​ឃាត់ខ្លួន​ក្រោយ​មាន​ពាក្យបណ្តឹង​ពី​ម្តាយ​កុមារី​ម្នាក់ ​ពាក់ព័ន្ធនឹងអំពើ​រំលោភ​សេពសន្ថវ:។

ជនសង្ស័យ​ឈ្មោះ វី ស៊ី​ពួន ភេទ​ប្រុស អាយុ​១៤​ឆ្នាំ ជា​ជនជាតិ​ចាម​រស់នៅ​ភូមិ​ត្រពាំង​ផ្អេ​រ ឃុំ​ស្រែ​ខ្ទុ​ម ស្រុក​កែវ​សីមា ចំណែក​ក្មេង​ស្រី​រង​គ្រោះ​អាយុ​៩​ឆ្នាំ ។

ក្រោយពីឃាត់ខ្លួន និងសាកសួររហូត​មកទល់​ព្រឹក​ថ្ងៃ​ទី​៨ តុលានេះ ជនសង្ស័យ​បាន​សារភាព​ថា ពិតជា​បាន​ធ្វើ​សកម្មភាព​ដូច​ការ​ចោទប្រកាន់​មែន ហើយ​បច្ចុប្បន្ន​ជនសង្ស័យ ​ត្រូវ​បាន​សមត្ថកិច្ច​បញ្ជូន​ទៅ​កាន់ស្នងការដ្ឋាន​នគរបាល​ខេត្ត ដើម្បី​ចាត់ការបន្ត​តាម​នីតិវិធីច្បាប់​៕