Post News Media ព័ត៌មានជាតិ ឡង់គ្រឺស័រ៥៧០...

ឡង់គ្រឺស័រ៥៧០ ស្លាកលេខ ភ្នំពេញ2AE-7055 បុករថយន្តហាយឡែនឌ័រស្លាកលេខ ភ្នំពេញ 2W-0661 ចំពីក្រេាយពេញទំហឹងខ្ទេចទាំងសងខាង!

ចែកចាយបន្ត

ភ្នំពេញ: មានករណីគ្រោះថ្នាក់ចរាចរណ៍មួយ រវាងរថយន្តស៊េរីទំនេីបមួយគ្រឿង បានបុកគ្នាពីក្រេាយរថយន្តមួយគ្រឿងទៀត លឺដូចរន្ទះ ខណ:ដែលបត់ឆ្ពោះទៅច្រកចូលផ្ទះ។

ហេតុការណ៍នេះបានកើតទ្បើងកាលពីវេលាម៉ោង១០និង៣០នាទីយប់ ថ្ងៃទី៩ ខែតុលា ឆ្នាំ២០១៧ ស្ថិតនៅតាមបណ្តោយផ្លូវវេងស្រេង ភូមិព្រៃល្វា សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។

យោងតាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកើតហេតុគេឃេីញរថយន្តម៉ាកឡង់គ្រឺស័រ៥៧០ ពណ៌ស ពាក់ស្លាកលេខ ភ្នំពេញ 2AE-7055 បេីកបរដេាយបុរសម្នាក់ទិសដៅពីកេីតទៅលិច ក្នុងល្បឿនលឿន លុះមកដល់ចំណុចកេីតហេតុចាប់ហ្វ្រាំងមិនទាន់ ក៏បុកគូថរថយន្តហាយឡែនឌ័រ ពណ៌ខ្មៅ ពាក់ស្លាកលេខ ភ្នំពេញ 2W-0661 កំពុងរៀបនឹងបត់ចូលច្រកផ្ទះក៏ត្រូវរថយន្តស៊េរីទំនេីបទ្បង់គ្រឺស័រ៥៧០ចំបុកពីក្រេាយពេញទំហឹងបណ្ដាលឲ្យរថយន្តទ្បង់គ្រឺស័រ៥៧០ខូចខាតផ្នែកខាងមុខខាងឆ្វេង។ ចំណែករថយន្តហាយទ្បែនឌ័រវិញខ្ទេចផ្នែកខាងក្រោយនៃរថយន្តយ៉ាងដំណំ តែសំណាងល្អមិនបង្កឲ្យនរណាម្នាក់រងរបួសនោះទេ ។

ក្រេាយពេលកើតហេតុ សមត្ថកិច្ចមូលដ្ឋានបានចុះមកដល់កន្លែងកេីតហេតុ ដោយភាគីទាំងសងខាងនិយាយដោះស្រាយគ្នា រួចខាងរថយន្តទ្បង់គ្រឺស័រ៥៧០មិនចង់មានរឿងវែងឆ្ងាយក៏ព្រមយករថយន្តហាយទ្បែនឌ័រទៅជួសជុលឲ្យដូចដើមវិញដើម្បីបញ្ចប់រឿងតែម្តង ៕