Post News Media ព័ត៌មានជាតិ ម៉ូតូមួយគ្រឿង...

ម៉ូតូមួយគ្រឿង ឌុបគ្នា៣នាក់បើកបញ្ច្រាសទិសចរាចរណ៍ ត្រូវរថយន្តធុនធំបុកកិនមនុស្ស របួសធ្ងន់ទាំង៣នាក់

ចែកចាយបន្ត

ភ្នំពេញ: យ៉ាងហោចណាស់មានបុរស៣នាក់បានរងរបួសធ្ងន់ បន្ទាប់ពីបានជិះម៉ូតូឌុបគ្នា បញ្ចា្រស់ទិសដៅចរាចរណ៍ ហើយត្រូវបានរថយន្តដឹកអីវ៉ាន់ធុនធំមួយគ្រឿងចុះពីលើស្ពានចាប់ហ្វាំងមិនទាន់ក៏បានបុកម៉ូតូពេញទំហឹង។

ហេតុការណ៍នេះបានកើតទ្បើងការពីវេលាម៉ោង ១២និង៥នាទីរំលងអធ្រាត្រឈានចូលថ្ងៃទី១០ ខែតុលា ឆ្នាំ២០១៧ ស្ថិតនៅតាមបណ្តោយផ្លូវជាតិលេខ១ សង្កាត់ច្បាអំពៅទី១ ខណ្ឌច្បាអំពៅ រាជធានីភ្នំពេញ ជិតស្ពានព្រះមុនីវង្សចាស់ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញម៉ូតូមួយគ្រឿងម៉ាកឌ្រីមសង់សេ១២៥ ពណ៌ខ្មៅ ពាក់ស្លាកលេខ ភ្នំពេញ 1CM-2528 ជិះគ្នា៣នាក់ទិសដៅពីកើតទៅលិច ស្រាប់តែគេឃើញរថយន្តធុនធំមួយគ្រឿងពាក់ស្លាកលេខ ភ្នំពេញ 3B-9172 បើកបរពីលិចទៅកើត កំពុងតែឆ្លងកាត់ស្ពានព្រះមុនីវង្សចាស់ស្រាប់តែវាក់អឺជាមួយនឹងម៉ូតូដែរជិះបញ្ចា្រស់ទិសដៅចរាចរណ៍ ចាប់ហ្វាំងមិនទាន់ក៏បានបុកកិនបុរស៣នាក់របួសធ្ងន់ត្រូវបញ្ជូនទៅកាន់មន្ទីពេទ្យតែម្តង។

ក្រោយពេលកើតហេតុសមត្ថកិច្ចមូលដ្ឋានក៏បានចុះមកដល់ទាក់ទងទៅសមត្ថកិច្ចជំនាញចរាចរណ៍ក្រុងចុះមកវាស់វែង និងយករថយន្តហើយនិងម៉ូតូទៅរក្សាទុកនៅស្នងការដ្ឋាននគរបាលរាជធានីភ្នំពេញដើម្បីរង់ចាំដោះស្រាយទៅតាមផ្លូវច្បាប់បន្តទៀត ៕