Post News Media ព័ត៌មានជាតិ ខ្សែកាបរាប់សិ...

ខ្សែកាបរាប់សិបខ្សែ ត្រូវរថយន្តកុងតឺន័របើកទាក់រួចគេចខ្លួនបាត់

ចែកចាយបន្ត

ភ្នំពេញ: រថយន្តកុងតឺន័របានបើកទាក់ខ្សែកាបចម្រុះ រាប់សិបសរសៃ បានដាច់ធ្លាក់កាត់ទទឹងផ្លូវ ថែមទាំងបាក់បង្គោលថ្មមួយដើម សង្កត់ទៅលើរថយន្តកូរ៉េសម្រាប់ដឹកកម្មករកម្មការនីមួយគ្រឿងដែលចតទុកនៅក្បែរបណ្តាលឲ្យកំពិតខ្ទេចទ្រុងមួយចំហៀង តែសំណាងល្អគឺហេតុការនេះពុំបានឲ្យមានអ្នករងរបួសនោះឡើយ គ្រាន់តែចរាចរណ៍ត្រូវបានកកស្ទះតែប៉ុណ្ណោះ។

ហេតុកាណ៍នេះបានបង្កឲ្យមានការភ្ញាក់ផ្អើលឡើងកាលពីវេលាម៉ោង ១១និង១៥នាទីព្រឹក ថ្ងៃទី១០ ខែតុលា ឆ្នាំ២០១៧ ស្ថិតនៅតាមផ្លូវបេតុង ខាងត្បូងផ្សារទួលពង្រ ភូមិទួលពង្រ សង្កាត់ចោមចៅ២ ខណ្ឌពោធិ៍សែនជ័យ រាជធានី ភ្នំពេញ។

រថយន្តដែលបានទទួលរងគ្រោះព្រោះបង្គោលបេតុងសង្កត់ពីលើ នោះម៉ាកហ៊ីយ៉ាន់ដាយ ពណ៌ខៀវ ចំណុះ១តោន ពាក់ស្លាកលេខ ភ្នំពេញ2I-0627 ជារថយន្តឈប់រងចាំដឹកកម្មករ កម្មការនី ពេលចេញពីធ្វើការ។

តាមប្រភពព័ត៌មានពីប្រជាពលរដ្ឋនៅកន្លែងកើតហេតុ បានបញ្ជាក់ឲ្យដឹងថា មុនពេលកើតហេតុ គេឃើញរថយន្តកុងតឺន័រ មួយគ្រឿងបើកតាមផ្លូវបេតុងខាងលើ ពីជើងទៅត្បូង លុះមកដល់ចំណុចកើតហេតុក៏បានទាក់ខ្សែកាបចម្រុះទាំងនោះដែលរាយកាត់ទទឹងផ្លូវ បណ្តាលឲ្យទាញ បាក់បង្គោលថ្ម មួយដើមសង្កត់ទៅលើរថយន្ត ហើយរថយន្តបង្កបើករត់គេចទៅបាត់ ទុកឲ្យខ្សែ ភ្លើង ខ្សែកាបចម្រុះ ដាច់ធ្លាក់កាត់សន្ធឹងទទឹងផ្លូវ បង្កឲ្យកកស្ទះចរាចរណ៍ រថយន្ត ធន់ធំមិនអាចឆ្លងកាត់បាន។

កំណាត់ផ្លូវដែលកកស្ទះរាប់ម៉ោងនេះ ទើបឃើញខាងអាជ្ញាធរ បានចាត់វិធានការ យកគ្រឿងចក្រ អេស្កាវ៉ាទ័រ មកលើកខ្សែកាបទាំងនោះ ដើម្បីសម្រួលចរាចរណ៍ជាបណ្តោះអាសន្នសិន ដើម្បីការពារកុំឲ្យកកស្ទះចរាចរណ៍៕

https://youtu.be/HSNfUv0isXs​