Post News Media ព័ត៌មានជាតិ ខ្វះការអធ្យាស...

ខ្វះការអធ្យាស្រ័យឲ្យគ្នា! រថយន្ត៣គ្រឿងបុកគ្នាជាបន្តបន្ទាប់គ្នា ស្លាប់ម្នាក់ និងរបួសធ្ងន់ម្នាក់!

ចែកចាយបន្ត

ព្រះសីហនុ: មានករណីគ្រោះថ្នាក់ចរាចរណ៍មួយបានកើតឡើង ដោយមានរថយន្ត៣គ្រឿងបានបុុកគ្នាជាបន្តបន្ទាប់ ដោយសារតែការបើកជែងខ្វះការអធ្យាស្រ័យគ្នា រហូតបណ្តាលឲ្យមានមនុស្សម្នាក់ស្លាប់យ៉ាងរន្ធត់ និងម្នាក់ទៀតរងរបួសធ្ងន់ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះបានកើតឡើងកាលពីវេលាម៉ោង៨និង១០យប់ ថ្ងៃទី៩ ខែតុលា ឆ្នាំ២០១៧ ស្ថិតនៅចំណុចលើផ្លូវ​ជាតិ​លេខ​៤ ចន្លោះគីឡូម៉ែត្រ​២០២-២០៣ ស្ថិត​នៅ​ក្នុង​ភូមិ​អូរឧកញ៉្ញាហេង​ ឃុំ​អូរឧកញ៉្ញាហេង​ ស្រុក​ព្រៃនប់​ ខេត្ត​ព្រះសីហនុ​។

គ្រោះថ្នាក់ចរាចរណ៍នេះ កើតឡើងខណ:ដែលមាន រថយន្ត​សណ្ដោង​​ដឹក​ខ្សាច់​មួយគ្រឿង​ម៉ាក​ HYUNDAI​ ពណ៌​ខៀវ​ ពាក់ស្លាកលេខ ​ព្រះសីហនុ​3A-1651​ មានទិសដៅពី​ភ្នំពេញ​ ឆ្ពោះ​មក​ ខេត្ត​ព្រះសីហនុ​ លុះ​ដល់ចំណុចខាងលើ​ក៏បាន​វ៉ាជែង​​​ រថយន្ត​ មួយគ្រឿងទៀត​ម៉ាក​ មីស៊ុយមីស៊ី​ ពណ៌​ខ្មៅ​ ពាក់ស្លាកលេខ ​ភ្នំពេញ ​2AO-3143 ជិះគ្នា​ចំនួន​២នាក់​ ដែល​មាន​ទិសដៅ​ស្របគ្នា​ ​ពេល​ដល់​ផ្លូវ​កោង​មាន​ស្ពាន​ក៏មាន​​ ​រថយន្ត​ដឹកកុងតឺន័រ​ មួយគ្រឿង​ម៉ាក​ HINO ពណ៌​ស​ ពាក់ស្លាកលេខ ​ភ្នំពេញ ​3C-6132​ ដែល​មាន​ទិសដៅ​បញ្រ្ចាសគ្នា​ ឃើញ​មាន​ឧបសគ្គ​មក​ពី​ខាង​មុខ​ រថយន្ត​ដឹកដី​ខ្សាច់​ ក៏គេច​ប៉ះ​នឹង​រថយន្ត​ដឹកកុងតឺន័រ​ រួច​ជ្រុល​កៀរអូស​រថយន្ត​ មីស៊ុយមីស៊ី​ ប្រហែល​ជា​៣០ម៉ែត្រ​ បណ្ដោយ​ឲ្យ​ក្រឡាប់​តែម្ដង​ និងបណ្តាលឲ្យអ្នកបើកបរ​រថយន្ត​ មីស៊ុយមីស៊ី​ ឈ្មោះ​ ឃូ​ ស៊ី​មន​ ភេទ​ប្រុស​ អាយុ៤២ឆ្នាំ​ មានទីលំនៅ​សង្កាត់​ព្រែកប្រា​ ខណ្ឌ​ច្បារអំពៅ​ រាជធានី​ភ្នំពេញ ស្លាប់នៅ​នឹង​កន្លែង​កើតហេតុ​ ក្នុងនោះក៏មានឈ្មោះ​ អាត​ សីឡា​ ភេទប្រុស​ អាយុ​២៦ឆ្នាំ​ មុខរបរ​និស្សិត​ មានទីលំនៅ​សង្កាត់​ព្រែកប្រា​ ខណ្ឌ​ច្បារអំពៅ​ ​រាជធានីភ្នំពេញ​ ដែលជាអ្នករួមដំណើរលើ​រថយន្ត​ មីស៊ុយមីស៊ី​ រងរបួសធ្ងន់ ត្រូវបាន​បញ្ជូន​ទៅ​សង្គ្រោះ​នៅ​គ្លីនិក​មិត្តភាព៨៨៨។

គួរបញ្ជាក់ថា ភ្លាមៗអ្នកបើកបរ​រថយន្ត​ធុនធំ​ទាំង​២គ្រឿង​ បាន​រត់​គេច​ខ្លួន​បាត់​ក្រោយ​ពេល​កើតហេតុ។ចំណែកសាកសពត្រូវបានប្រគល់ទៅឲ្យក្រុមគ្រួសារធ្វើបុណ្យតាមប្រពៃណី៕