Post News Media ព័ត៌មានជាតិ បងប្អូនជីដូនម...

បងប្អូនជីដូនមួយឯងសោះ រំលោភទំនុកចិត្ត យកម៉ាកTOYOTA Pruisគេចខ្លួនត្រូវសមត្ថកិច្ចចាប់បាន!

ចែកចាយបន្ត

ភ្នំពេញ: សមត្ថកិច្ចខណ្ឌមានជ័យ​ បានធ្វើការឃាត់ខ្លួនជនសង្ស័យម្នាក់តាមបណ្តឹងរបស់ជនរងគ្រោះ ពាក់ពន្ធ័នឹងករណីរំលោភលើទំនុកចិត្ត យករថយន្តមួយគ្រឿងម៉ាកTOYOTA Pruis នៅសង្កាត់បឹងទំពុន២ ខណ្ឌមានជ័យ រាជធានីភ្នំពេញ។

ហេតុការណ៍នេះកើតឡើងកាលពីថ្ងៃទី៦ ខែតុលា ឆ្នាំ២០១៧ វេលាម៉ោង១០និង៣០នាទី ដោយកម្លាំងនគរ​បាល​ប៉ុស្តិ៍​បឹង​ទំពុន២ បាន​ទទួលឃាត់​ខ្លួន​សង្ស័យម្នាក់ ឈ្មោះ ឡុង ពិសិដ្ឋ​ ភេទប្រុស អាយុ២៧ ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅ​ផ្ទះគ្មានលេខ ផ្លូវលេខ ៣៩បេតេ ភូមិសន្សំកុសល២ សង្កាត់ បឹងទំពុនទី១ ខណ្ឌមានជ័យ ពីជនរងគ្រោះ ពីបទ រំលោភលើទំនុកចិត្ត យករថយន្តមួយគ្រឿងម៉ាកតូយ៉ូតាព្រូស កាលពីថ្ងៃទី២៤ ខែ កញ្ញា ឆ្នាំ ២០១៧ វេលាម៉ោង៧និង២០នាទីយប់ នៅចំណុចបណ្តោយផ្លូវលេខ៦៩បេតេ ក្រុមទី៣ ភូមិ ក្បាលទំនប់២ ​សង្កាត់ បឹងទំពុនទី២ ខណ្ឌ មាន​ជ័យ រាជធានីភ្នំពេញ របស់ជនរង​គ្រោះជាប្អូនជីដូនមួយឈ្មោះ តាំង សុងទ្រី ហៅទី ភេទ ប្រុស អាយុ ២៦ ឆ្នាំ មុខរបរបុគ្គលិកក្រុមហ៊ុន ស្នាក់នៅផ្ទះ លេខ២៥៩កា ផ្លូវលេខ៥៩៨ ភូមិ ទួលគោក ​សង្កាត់ ទួលសង្កែ ខណ្ឌ ឬស្សីកែវ រាជធានីភ្នំពេញ ។

ក្នុងនោះដែរ សម្ភារ:ជនរងគ្រោះដែលបាត់បង់​ គឺរថយន្តមួយគ្រឿងម៉ាកតូយ៉ូតាព្រូស ពណ៌បៃតង ពាក់ស្លាកលេខ ភ្នំពេញ 2AB-4778 ហើយ បច្ចុប្បន្នជន​សង្ស័យឈ្មោះ ឡុង ពិសិដ្ឋ ឃាត់ខ្លួននៅ​អធិការដ្ឋានដើម្បី​កសាងសំណុំ​រឿង ដើម្បីចាត់ការតាមនីតិវិធីច្បាប់បន្តទៀត៕