Post News Media ព័ត៌មានជាតិ ចិនទៀតហើយ! ស្...

ចិនទៀតហើយ! ស្រវឹងបើករថយន្តបុកម៉ូតូក្នុងមជ្ឈមណ្ឌលម៉ុងឌីយ៉ាល់ពេញទំហឹង បណ្តាលឲ្យមនុស្ស២នាក់របួសធ្ងន់

ចែកចាយបន្ត

ភ្នំពេញ: បុរសជនជាតិចិនមួយក្រុម ចេញពីហូបការគេស្រវឹងជោកជាំ បើករថយន្តជ្រុលទៅបុកម៉ូតូមួយគ្រឿងពេញទំហឹង បណ្តាលឲ្យបុរស២នាក់រងរបួសធ្ងន់ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះបានកើតឡើងកាលពីវេលាម៉ោង៧និង៤០នាទីយប់ថ្ងៃទី១០ ខែតុលា ឆ្នាំ២០១៧ ស្ថិតនៅក្នុងមជ្ឈមណ្ឌលម៉ុងឌីយ៉ាល់មុខអាគារC ក្នុងសង្កាត់ផ្សារដើមគរ ខណ្ឌទួលគោក រាជធានីភ្នំពេញ។

យោងតាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុ គេឃើញបុរសជនជាតិចិនមួយក្រុម មានគ្នា៤នាក់ ចេញពីហូបការនៅអគារU បើករថយន្តមួយគ្រឿងម៉ាកហាយឡែនឌ័រ ពណ៌ស្ករ ពាក់ស្លាកលេខ ភ្នំពេញ 2AQ-0718 ស្រវឹងស្រាជោកជាំបើកពីកើតទៅលិច លុះមកដលចំណុចកើតហេតុខាងលើចាប់ហ្វ្រាំងមិនទាន់ជ្រុលចង្កូតទៅបុកម៉ូតូមួយគ្រឿងម៉ាកឌ្រីមសង់ស៊េរីឆ្នាំ២០១៦ ពណ៌ខ្មៅ ពាក់ស្លាកលេខ ភ្នំពេញ 1FW-4206 ជិះដោយបុរស២នាក់ទិសដៅពីត្បូងទៅជើងពេញទំហឹង បណ្តាលឲ្យជនរងគ្រោះបោកផ្ទប់នឹងថ្នល់រងរបួសធ្ងន់ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះភ្លាមៗ។ ចំណែករថយន្តនិងម៉ូតូរងការខូចខាតបន្តិចបន្តួចដូចគ្នា។

ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកវាស់វែងយកថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌទួលគោកដើម្បីរង់ចាំដោះស្រាយគ្នាទៅតាមផ្លូវច្បាប់បន្តទៀត ៕