Post News Media ព័ត៌មានជាតិ បុរសជនជាតិវៀត...

បុរសជនជាតិវៀតណាមម្នាក់ ជិះទូកបេះត្រកួនលង់ទឹកស្លាប់

ចែកចាយបន្ត

ភ្នំពេញ: បុរសជនជាតិវៀតណាមម្នាក់ជិះទូកចុះបេះត្រកួនត្រូវបានលង់ទឹកស្លាប់។
ហេតុការណ៍ភ្ញាក់ផ្អើលខាងលើនេះបានកើតឡើងកាលពីវេលាម៉ោង៨ និង៣០នាទីព្រឹក ថ្ងៃទី១១ ខែតុលា ឆ្នាំ២០១៧ ស្ថិតនៅផ្លូវលំខាងក្រោយសាលាកសិកម្ម ភូមិខ្វា សង្កាត់ដង្កោ ខណ្ឌដង្កោ។

ប្រភពព័ត៌មានពីប្រពន្ធជនរងគ្រោះខាងលើបានឲ្យដឹងថា នៅវេលាម៉ោង៣ទៀបភ្លឺប្តីរបស់គាត់បានជិះទូកចុះទៅបេះត្រកួនក្នុងបឹងក្រោយផ្ទះតែម្នាក់ឯងដូចសព្វដង លុះព្រឹកឡើងមិនឃើញត្រលប់មកផ្ទះវិញ ហើយអ្នកដែលជិះទូកទៅបេះត្រកួនដូចគ្នាឃើញតែទូកនឹងត្រកួនពុំឃើញគាត់ក៏មានការឆោឡោនាំគ្នាចេញទូកជួយរាវហើយក៏បានស្រង់ជនរងគ្រោះដាក់លើទូកត្រលប់មកផ្ទះរបស់គាត់វិញ តែជាអកុសលបុរសជនជាតិវៀតណាមខាងលើនេះបានឈ្លក់ទឹកស្លាប់បាត់បង់ជិវិតបាត់ទៅហើយ។

សមត្ថកិច្ចបានឲ្យដឹងថា ជនរងគ្រោះខាងលើមានឈ្មោះ លើន ទិត អាយុ៤៨ឆ្នាំ មុខរបរដាំត្រកួននិងបេះត្រកួន ប្រពន្ធឈ្មោះ ងៀង វ៉ា អាយុ៣៧ឆ្នាំ បានមកស្នាក់នៅកម្ពុជារយ:ពេល១០ឆ្នាំមកហើយ។

ក្រោយពេលកើតហេតុសមត្ថកិច្ចមូលដ្ឋានសហការជាមួយនគរបាលជំនាញបានចុះមកដល់កន្លែងកើតហេតុធ្វើការពិនិត្យសាកសព ក្រោយពីពិនិត្យសាកសពរួច សមត្ថកិច្ចបានឲ្យដឹងថាសពបុរសខាងលើនេះពិតជាស្លាប់ដោយសារលង់ទឹកឈ្លក់ស្លាប់ពិតប្រាកដមែន ហើយសពត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕

​​https://youtu.be/GCsFNWSdaw0