Post News Media ព័ត៌មានជាតិ នាយកដ្ឋានប្រឆ...

នាយកដ្ឋានប្រឆាំងការជួញដូរមនុស្សនិងការពាអនិតិជន បានចុះបង្ក្រាបទីតាំងម៉ាស្សាកោសជប់បង្កប់សេវាបម្រើផ្លូវភេទនៅផ្លូវ២០០៤

ចែកចាយបន្ត

ភ្នំពេញ: កម្លាំងនគរបាលនាយកដ្ឋានប្រឆាំងការជួញដូរមនុស្ស និងការពារអនិតិជន របស់ក្រសួងមហាផ្ទៃ បានសហការជាមួយកម្លាំង ការិយាល័យ ប្រឆាំងការជួញដូរមនុស្ស និងការពារអនិតិជន នៃស្នងការដ្ឋាននគរបាលរាជធានីភ្នំពេញ និងនគរបាលប៉ុស្ដិ៍កាកាប ក្រោមការដឹកនាំដោយលោក កុល បុន ព្រះរាជអាជ្ញាររងអមសាលាដំបូងរាជធានីភ្នំពេញ បានចុះទៅបង្ក្រាបទីតាំងម៉ាស្សាកោសជប់ មួយកន្លែងទាំងយប់ ដែលសង្ស័យថាមានបង្កប់សេវាបម្រើផ្លូវភេទ។

ប្រតិបត្តិការណ៏នេះបានធ្វើឡើងកាលពីវេលាម៉ោង៨ និង១០នាទីយប់ ថ្ងៃទី១០ ខែតុលា ឆ្នាំ២០១៧ ស្ថិតនៅតាមបណ្ដោយផ្លូវលេខ២០០៤ ក្នុងភូមិត្រពាំងល្វា១ សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ។ ដោយកម្លាំងសមត្ថកិច្ចខាងលើបានធ្វើការឃាត់ខ្លួន ប្រុសស្រីបានចំនួន៨នាក់ ក្នុងនោះបុរសម្នាក់ឈ្មោះ អាត់ សល់ អាយុ៣៦ឆ្នាំ និងស្រីម្នាក់ឈ្មោះ មោង គឹមលាង អាយុ៣៥ឆ្នាំ ដែលជាម្ចាស់ហាង ចំណែកស្ត្រីវ័យក្មេងចំនួន៦នាក់ទៀត ដែលមានអាយុចាប់ពី ១៨ឆ្នាំដល់៤០ឆ្នាំជាស្ត្រីបម្រើនៅក្នុងហាងម៉ាស្សាកោសជប់មួយនោះ ក្រៅពីនេះក៏មានការដកហូតវត្ថុតាងមួយចំនួនទៀតផងដែរ។
តាមប្រភពព័ត៌មានបានឲ្យដឹងថា មុនពេលឈានដល់ការចុះបង្ក្រាបទីតាំងម៉ាស្សានេះកម្លាំងនគរបាលខាងលើ បានចុះធ្វើការស្រាវជ្រាវយូរមកហើយ រហូតទទួលបានព័ត៌មានជាក់លាក់មួយ ពីទីតាំងមួយនេះដែលបានបើកអាជីវកម្ម ម៉ាស្សាកោសជប់ទេប៉ុន្តែមានបង្កប់សេវាបម្រើផ្លូវ ភេទ ហើយក៏សង្ស័យថាមានជាប់ពាក់ព័ន្ធទៅនឹងសកម្មភាពជួញដូរមនុស្សទៀតផង ប៉ុន្តែទោះជាយ៉ាងនេះគ្រាន់តែជាការសង្ស័យ តែប៉ុណ្ណោះ។

ក្រោយពេលស៊ើបអង្កេតដឹង ទើបសុំការដឹកនាំពីសំណាក់លោកព្រះរាជអាជ្ញាររង សាលាដំបូងរាជធានីភ្នំពេញ ចុះធ្វើការបង្ក្រាបចាប់ខ្លួនម្ចាស់ទីតាំង២នាក់ និងនាំខ្លួនស្ត្រី៦នាក់ដែលជាអ្នកបម្រើនៅទីនោះទៅកាន់នាយកដ្ឋានប្រឆាំងការជួញដូរ មនុស្សនិងការពារអនិតិជនរបស់ក្រសួងមហាផ្ទៃ ដើម្បីសួរនាំនិងចាតើការតំច្បាប់តែម្ដង៕