Post News Media ព័ត៌មានជាតិ អគ្គិភ័យឆេះផ្...

អគ្គិភ័យឆេះផ្ទះមួយខ្នង អស់ស្ទើរទាំងស្រុង នៅស្រុកក្រគរ!

ចែកចាយបន្ត

ពោធិ៍សាត់: លោកវរសេនីយ៍ត្រី ឯម រុន អធិការស្រុកក្រគរ បានប្រាប់Post News ថា មានហេតុការណ៍គ្រោះអគ្គិភ័យមួយបានកើតឡើង បណ្តាលឲ្យឆាបឆេះផ្ទះមួយខ្នងយ៉ាងសន្ធោសន្ធៅ ផ្អើលដល់បងប្អូនប្រជាពលរដ្ឋ រួមនឹងសមត្ថកិច្ចចុះមកអន្តរាគមន៍បាញ់ពន្លត់។

ហេតុការណ៍នេះបានកើតឡើងកាលពីវេលាម៉ោង៧និង៤៥នាទី យប់ថ្ងៃទី១១ ខែតុលា ឆ្នាំ២០១៧ ស្ថិតនៅចំណុចភូមិកាប៉ះលើ ឃុំឈើតុំ ស្រុកក្រគរ ខេត្តពោធិ៍សាត់។

សមត្ថកិច្ចបានឲ្យដឹងថា ម្ចាស់ផ្ទះមានឈ្មោះ គីង អឿន អាយុ៥៨ឆ្នាំ ភេទប្រុស ស្នាក់នៅភូមិកាប៉ះលើ ឃុំឈើតុំ ស្រុកក្រគរ ខេត្តពោធិ៍សាត់ ដោយមានប្រពន្ធឈ្មោះ ប៉ែន សុគន្ធ អាយុ៥៨ឆ្នាំ ដោយមានកូនចំនួនប្រុសម្នាក់ ក្នុងបន្ទុកគ្រួសារ។

ផ្ទះដែលអគ្គិភ័យឆាបឆេះនេះមានទំហំ ៥គុណនឹង៦ម៉ែត្រ ជញ្ជាំងក្តារ ប្រក់សង្ក័សី ដោយអគ្គិភ័យនេះបានឆាបឆេះ តុទូ សាឡុង គ្រែ គិតជាទឹកប្រាក់ចំនួន៤០០០ដុល្លារ ដោយមិនឆាបឆេះដល់ផ្ទះគ្រោងខាងក្រៅនោះទេ ។ ចំណែកមូលហេតុគឺបណ្តាលមកពី ឆ្លងចរន្តអគ្គីសនីមិនបណ្តាលឲ្យមានគ្រោះថ្នាក់ដល់មនុស្សឡើយ ៕